বৰপেটাৰোড, 8 মে’: দেশত অব্যাহত আছে IPLৰ জ্বৰ ৷ কিন্ত IPL ক্ৰিকেটৰ নামত একাংশ অসাধু লোকে চলাইছে জুৱাৰ ৰমৰমীয়া বেহা ৷ সমগ্ৰ দেশৰ লগতে অসমতো চলি আছে IPLৰ নামত জুৱাৰ ৰমৰমমীয়া বেহা ৷ IPL ক কেন্দ্ৰ কৰি নামনি অসমৰ বৰপেটাৰোডত আৰম্ভ হৈছে জুৱা ৷ বৰপেটাৰোডৰ অলিয়ে-গলিয়ে এতিয়া চলিছে IPLৰ জুৱা ৷ IPL জুৱাৰ এই ৰমৰমীয়া বেহাৰ ফলত বহু লোক সৰ্বস্বান্ত হৈ পৰাৰো অভিযোগ উঠিছে (IPL Gambler Arrested) ৷
বৰপেটাৰোড আৰক্ষীয়ে IPL জুৱাৰ বিৰুদ্ধে এক অভিযান চলাই আটক কৰিছে তিনিটাকৈ জুৱাৰী ৷ আটকাধীন জুৱাৰীকেইটা কলহভাংগাৰ সন্তোষ নাথ ৰয়, সাতভনীৰটুপৰ মন্তি সাহা আৰু চেঙেলীয়াৰ লক্ষণ দাস বুলি জানিব পৰা গৈছে ৷ আৰক্ষীয়ে আটক কৰা এই তিনিটা জুৱাৰীৰ পৰা নগদ উনৈশ হাজাৰ এশ টকা জব্দ কৰাৰ লগতে জুৱাত ব্যৱহৃত 6 খন বহী, দুটা কলমৰ লগতে তিনিটা মোবইল ফ’ন জব্দ কৰে ৷ আটকাধীন জুৱাৰীকেইটাক বৰপেটাৰোড আৰক্ষীয়ে মাৰাথন জেৰা অব্যাহত ৰাখিছে (IPL Gambler Arrested in Barpetaroad) ৷
আৰক্ষীৰ জেৰাত এই অপৰাধী কেইটাই আন কেইবাটাও জুৱাৰীৰ নাম উল্লেখ কৰা বুলি জানিব পৰা গৈছে ৷ শীঘ্ৰেই আৰক্ষীয়ে আটাইকেইটা জুৱাৰীক আটক কৰাৰ সম্ভাৱনা আছে বুলি জানিব পৰা গৈছে ৷ উল্লেখ্য যে, বৰপেটাৰোডৰ বাবুপাৰা, কলহভাংগা, জাখলীৰপাৰ, হৰতকিতলা, মিছনৰোড, শক্তিনগৰ, খৈৰাবাৰী, বেলতলা, বেকীৰপাৰ, সাতভনীৰটুপ, মৈৰাঝাৰকে ধৰি বিভিন্ন প্ৰান্তত IPL ক্ৰিকেটৰ নামত জুৱাৰ বৃহৎ বেহা চলাই থকাৰ অভিযোগ উত্থাপন হৈ আহিছে ৷
জানিব পৰা মতে চহৰখনৰ বিভিন্ন প্ৰান্তত কোঠা ভাড়াত লৈ বন্ধ কোঠাৰ ভিতৰত একাংশ জুৱা মাফিয়াই চলাই গৈছে IPLৰ নামত জুৱাৰ বজাৰ ৷ জুৱা মাফিয়াই ইন্টাৰনেটৰ জৰিয়তে এক বিশেষ ধৰণৰ ID ক্ৰয় কৰি চহৰখনত চলাই গৈছে IPL জুৱাৰ এই ৰমৰমীয়া বেহা | যাৰ ফলত এতিয়া চহৰখনৰ উঠি অহা প্ৰজন্মই জুৱাৰ প্ৰতি আকৃষ্ট হৈ সৰ্বস্বান্ত হোৱা বুলিও অভিযোগ উঠিছে (IPL Gambling in Barpetaroad) ৷
লগতে পঢ়ক: Road accident at Maligaon : মালিগাঁৱত সেনাবাহিনীৰ বাহনৰ খুন্দাত নিহত ছাত্ৰী
