বৰপেটাৰোড, 1 আগষ্ট : বৰপেটাৰোডত শনিবাৰে পোহৰলৈ আহিছে এক চাঞ্চল্যকৰ যৌন নিৰ্যাতন(Sexual Assault)ৰ ঘটনা ৷ ৰফিকুল ইছলাম নামৰ এজন মছজিদৰ ইমামে দীৰ্ঘদিনৰ পৰা তোলনীয়া কন্যাক যৌন নিৰ্যাতন চলাই অহাৰ ঘটনা পোহৰলৈ আহিছে ৷ বৰপেটাৰোডৰ কলহভাংগাৰ মছজিদত ইমামতি কৰি আছিল ৰফিকুল ইছলামে ৷ কিছুদিন পূৰ্বে দুগৰাকী কন্যা থকা এগৰাকী মহিলাক বিয়া কৰাইছিল ইমামজনে ৷
বিয়াৰ পাচত কলহভাংগাৰ এটি ভাড়াঘৰত থাকি মছজিদত ইমামতি কৰিছিল ৰফিকুলে ৷ ইমামজনৰ পত্নীয়েও লোকৰ ঘৰত কাম কৰি চাৰিজনীয়া পৰিয়ালটো পোহপাল দি আহিছিল । অভিযোগ অনুসৰি, যেতিয়াই পত্নীয়ে লোকৰ ঘৰত বন কৰিবলৈ যায় তেতিয়াই পিতৃ ৰফিকুল ইছলামে তোলনীয়া কন্যাক বলপূৰ্বকভাৱে ধৰ্ষণ কৰি আহিছিল ৷
লগতে পঢ়ক : তিনিচুকীয়াত জব্দ চোৰাং কাঠ ভৰ্তি ট্ৰাক
এই অভিযোগ উত্থাপন কৰিছে ভুক্তভোগী কন্যা আৰু ৰফিকুলৰ পত্নীয়ে ৷ ইয়াৰ পাচতে দুয়োৱে বৰপেটাৰোড আৰক্ষী থানা(Barpeta Road Police Station)ত এখন এজাহাৰ দাখিল কৰে ৷
এজাহাৰ দাখিলৰ পূৰ্বে অৰ্থাৎ শনিবাৰে নিজ ভাড়াঘৰতেই তোলনীয়া কন্যাক বলপূৰ্বকভাৱে নিৰ্যাতন চলোৱাত কন্যাগৰাকীয়ে পিতৃৰ এই কাণ্ডৰ কথা মাতৃক অৱগত কৰিছিল । তাৰ পাচতে ৰফিকুল ইছলামে ভাড়াঘৰ এৰি সৰভোগৰ বগুৰীগুৰীৰ নিজ গৃহলৈ গুচি যায় ৷ এজাহাৰ দাখিলৰ পাচত শনিবাৰে নিশা বগুৰীগুৰীৰ নিজ বাসগৃহৰ পৰা অভিযুক্ত ৰফিকুলক আটক কৰি দেওবাৰে পুৱাৰ ভাগত বৰপেটা কাৰাগাৰলৈ প্ৰেৰণ কৰে আৰক্ষীয়ে ৷
লগতে পঢ়ক : ৰৌতাত বৃহৎ পৰিমানৰ গাঞ্জাসহ এজন সৰবৰাহকাৰীক আটক
