বৰপেটা, ২২ জুন: বৰপেটাত সংঘটিত হৈছে এক শোকাৱহ ঘটনা (Tragic incident in Barpeta) ৷ বৰপেটাৰ হাউলীৰ দলাগাঁৱত পানীত উপঙি থকা অৱস্থাত উদ্ধাৰ হয় এজন যুৱকৰ মৃতদেহ ৷ নিজ ঘৰৰ চোতালত পানীত উপঙি থকা অৱস্থাত উদ্ধাৰ হোৱা মৃত যুৱকজন মন্টু হৰিজন বুলি জানিব পৰা গৈছে (Body fround floating in Flood water) ।
স্থানীয় ৰাইজৰ মতে, বিগত তিনিদিন ধৰি মৃত যুৱকজনৰ ফোন বন্ধ হৈ থকাত বুধবাৰে পাঠশালাৰ পৰা পেহীয়েকে খবৰ ল’বলৈ আহি চোতালতে উপঙি থকা অৱস্থাত প্ৰত্যক্ষ কৰে যুৱকজনৰ মৃতদেহ ৷ পৰৱৰ্তী সময়ত ঘটনাস্থলীত হাউলী আৰক্ষী উপস্থিত হৈ মৃতদেহটো উদ্ধাৰ কৰে ৷
উল্লেখ্য যে, মাত্ৰ দুবছৰ পূৰ্বে মৃত মন্টু হৰিজনৰ বৃদ্ধ মাতৃৰো একেটা স্থানতে বানত পৰি মৃত্যু হৈছিল । ফলত এই ঘটনাক লৈ হাউলী অঞ্চলত চাঞ্চল্যৰ সৃষ্টি হৈছে৷ ইতিমধ্যে আৰক্ষীয়ে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে ৷
লগতে পঢ়ক: মহাৰাষ্ট্ৰৰ বিধায়কৰ দল হোটেলত থাকিলে আমাৰ চৰকাৰে GST পাব: মুখ্যমন্ত্ৰী
