বৰপেটা, ২৯ অক্টোবৰঃ বৰপেটাৰ নগৰঝাৰত চাঞ্চল্যকৰ ঘটনা ৷ চীপ লোৱা অৱস্থাত ৰহস্যজনকভাৱে উদ্ধাৰ হয় এটি ৭ বছৰীয়া শিশুৰ মৃতদেহ ৷ নিজ গৃহৰ চিলিঙত চীপ লোৱা অৱস্থাত শিশুটিৰ মৃতদেহ উদ্ধাৰ হোৱাৰ পাছতেই অঞ্চলটোত সৃষ্টি হয় তীব্ৰ চাঞ্চল্যৰ ৷
উল্লেখ্য যে, নগৰঝাৰ প্ৰাথমিক বিদ্যালয়ৰ প্ৰথম শ্ৰেণীৰ শিক্ষাৰ্থী আছিল শিশুটি ৷ ঘৰত কোনো নথকা অৱস্থাত কোঠাত চীপ লোৱা অৱস্থাত উদ্ধাৰ হয় শিশুটোৰ মৃতদেহ ৷ শিশুটিক চীপ লোৱা অৱস্থাত প্ৰত্যক্ষ কৰে পৰিয়ালৰ লোকে আৰু ইয়াৰ পাছতেই শিশুটিক চীপৰ পৰা নমাই আনি লৈ যায় চিকিৎসালয়লৈ ৷ কিন্তু চিকিৎসকে শিশুটিক মৃত বুলি ঘোষণা কৰে ৷ প্ৰত্যক্ষদৰ্শীৰ অভিযোগ অনুসৰি এটি সাত বছৰীয়া শিশুয়ে এনে কাৰ্য সংঘটিত কৰাটো অসম্ভৱ ৷ ইয়াৰ পাছতেই ঘটনাস্থলীত উপস্থিত হয় হাউলী থানাৰ আৰক্ষী ৷ আৰক্ষীয়ে আৰম্ভ কৰিছে ঘটনাটোৰ পুংখানুপুংখ অনুসন্ধান ৷ কিন্তু এই ঘটনাক লৈ এতিয়া অঞ্চলটোত সৃষ্টি হয় তীব্ৰ চাঞ্চল্যৰ ৷ অঞ্চলবাসীয়ে ঘটনাৰ সত্যতা দাবী জনাই ৷
