পাঠশালা, 9 আগষ্ট : পাঠাশালাত দেওবাৰে উপস্থিত হয় ৰাজ্যৰ কৃষিমন্ত্ৰী অতুল বৰা ৷ অতুল বৰাই সাংবাদিকৰ পৰা হে গম পালে নিজ দলৰ বিধায়ক উৎপল দত্তৰ তাণ্ডৱৰ কথা l বিষয়টো ব্যক্তিগত ভাবে জানিবলৈ চেষ্টা কৰাৰ লগতে অনুসন্ধান কৰা হ’ব বুলি জনালে কৃষিমন্ত্ৰী গৰাকীয়ে l এগৰাকী বানাক্ৰান্তক উৎপল দত্তই দুৰ্ব্যৱহাৰ কৰাৰ তথ্য প্ৰকাশ পাইছিল সংবাদ মাধ্যমত ৷ তেওঁ কয় যে, ৰাইজৰ ভোটেৰে আমি নিৰ্বাচিত হৈছোঁ, গতিকে জনসাধাৰণৰ প্ৰতি আমাৰ শ্ৰদ্ধা থাকিবই লাগিব ৷
আনহাতে, পাটাছাৰকুছি সমষ্টি অগপৰ হাতত ৰাখিব নে নাই তাৰ স্পষ্ট উত্তৰ নিদিলে অতুল বৰাই l কথা প্ৰসংগত অসম প্ৰদেশ কংগ্ৰেছ কমিটীৰ সভাপতি ৰিপুন বৰাক উভতি ধৰিলে অতুল বৰাই ৷ তেওঁ কয় যে, সঁচা কথা কলে ৰিপুণ বৰাই বেয়া পায় l দিল্লীত লগ পাই তেওঁৰ বিষয়ে বেয়াকৈ নকবলৈ অনুৰোধ কৰিছিল অসম প্ৰদেশ কংগ্ৰেছ কমিটীৰ সভাপতিiৰাকীয়ে ৷ তিহাৰ ফেৰৎ নেতাৰ পৰা একো শিকিব লগা নাই বুলি ৰিপুন বৰালৈ তীব্ৰ বাক্যবাণ প্ৰয়োগ কৰে কৃষিমন্ত্ৰীজনে ৷
আনহাতে, জুবিন গাৰ্গ সন্দৰ্ভত তেওঁ কয় যে, জুবিন গাৰ্গৰ আগমনে নতুন প্ৰজন্মক অনুপ্ৰাণিত কৰিব l জুবিন গাৰ্গক অসম কৃষি বিভাগৰ ব্ৰেণ্ড এম্বেচাদৰ নিয়োগ কৰাক লৈ চলি থকা বিতৰ্কক অৰ্থহীন বুলি কয় মন্ত্ৰীজনে ৷ তাৰ মাজতে বজালীৰ বানাক্ৰান্ত কৃষকৰ কঠীয়াৰ সমস্যা সমাধানৰ ব্যৱস্থা ল’ব বুলিও অতুল বৰাই জানিবলৈ দিয়ে ৷
লগতে পঢ়ক : দলগাঁও আৰক্ষীৰ অভিযানত চুৰি সামগ্ৰী সহ আটক চোৰ
