কৃতিমানক সম্বৰ্ধনা বাক্সা জিলা এবছুৰ

কৃতিমান সকলক উৎসাহ যোগোৱাৰ উদ্দেশ্যে নিখিল বড়ো ছাত্ৰ সন্থাৰ বাক্সা জিলা সমিতিয়ে অনুষ্ঠিত কৰে এক সম্বৰ্ধনা সভা ৷ উক্ত সভাত উচ্চতৰ মাধ্যমিক চূড়ান্ত বৰ্ষৰ পৰীক্ষাৰ ফলাফলত সুখ্যাতিৰে উত্তীৰ্ণ শিক্ষাৰ্থীসকলক সম্বৰ্ধনা জনোৱা হয় ৷

বৰমা,8 জুলাই: বিগত মাহত ঘোষণা কৰা উচ্চতৰ মাধ্যমিক চূড়ান্ত বৰ্ষৰ পৰীক্ষাৰ ফলাফলত সুখ্যাতিৰে উত্তীৰ্ণ শিক্ষাৰ্থীসকলক সম্বৰ্ধনা জনাই নিখিল বড়ো ছাত্ৰ সন্থাৰ বাক্সা জিলা সমিতিয়ে ৷ কৃতিমান সকলক উৎসাহ যোগোৱাৰ উদ্দেশ্যে সংগঠনটোৱে প্ৰতি বছৰে অনুষ্ঠিত কৰি আহিছে এই সম্বৰ্ধনা সভাৰ ৷ এই বৰ্ষতো সুখ্যাতিৰে উত্তীৰ্ণ বড়ো ছাত্ৰ-ছাত্ৰীসকলৰ মাজৰ পৰা দহগৰাকী শিক্ষাৰ্থীক সংগঠনটোৰ উদ্যোগত আৰু চি কে আঞ্চলিক এবছুৰ সহযোগত লক্ষ্মী বজাৰ প্ৰেক্ষাগৃহত মানপত্ৰ, আৰনাই, কিতাপৰ লগতে একোটিকৈ কলমৰে সম্বৰ্ধনা জ্ঞাপন কৰা হয় ৷ লগতে বাক্সাৰ পৰা জেম(JAM) পৰীক্ষাত উত্তীৰ্ণ হৈ আইআইটিত নামভৰ্তি কৰিবলৈ সক্ষম হোৱা দুগৰাকী কৃতিমান ক্ৰমে মাইনাও জুলি বসুমতাৰী আৰু মৃদুল বড়োক সম্বৰ্ধনা জনোৱা হয় ৷

উল্লেখ্য যে, এইবেলি জিলাখনৰ পৰা উচ্চতৰ মাধ্যমিক চূড়ান্ত বৰ্ষৰ পৰীক্ষাত বড়ো মাধ্যমৰ পৰা কলা শাখাত ২২১ গৰাকী, বিজ্ঞান শাখাত ১৫৬ গৰাকী আৰু বাণিজ্য শাখাত ১০ গৰাকী ছাত্ৰ-ছাত্ৰী উত্তীৰ্ণ হৈছে প্ৰথম বিভাগত ৷ উক্ত সম্বৰ্ধনা সভাত নিখিল বড়ো ছাত্ৰ সন্থাৰ বাক্সা জিলাৰ সভাপতি নৃপেন চন্দ্ৰ বড়ো উপস্থিত থকাৰ লগতে জিলাখনৰ বহুকেইগৰাকী গণ্য-মান্য ব্যক্তিয়ে অংশগ্ৰহণ কৰে ৷

লগতে চাওকঃ জনতা ভৱনৰ অগ্নিকাণ্ডঃ উদ্বিগ্ন মুখ্যমন্ত্ৰীৰ বৈঠক