বাক্সা, 23 জুলাইঃ বিশ্বজুৰি বিয়পি পৰা মহামাৰী সদৃশ কৰ'ণা ভাইৰাছৰ ফলত বন্ধ হৈ পৰিছে অফিচ,ব্যৱসায়,বাণিজ্য । স্থগিত ৰখা হৈছে বিটিচিৰ পৰিষদীয় নিৰ্বাচনো । যি সময়ত বিটিচিত নিৰ্বাচনী প্ৰচাৰ তুংগত উঠিছিল তেনে সময়তে অন্য দৃশ্য দেখিবলৈ পোৱা গৈছে বিটিচি অঞ্চলত । বিটিচি নিৰ্বাচনৰ প্ৰাৰ্থীয়ে নিৰ্বাচনী প্ৰচাৰ চলোৱা সময়তে নামি পৰিছে কৰ'ণা ভাইৰাছৰ সজাগতা মূলক অভিযানত ।
সোমবাৰে ২৭ নং নাগ্ৰিজুলি পৰিষদীয় সমষ্টিৰ নিৰ্দলীয় প্ৰাৰ্থী ৰবীন্দ্ৰ বিশ্বাসে অকলেই অঞ্চলটোৰ লোক সকলক বিলালে মাস্ক, হেণ্ড ৱাছ। মন্দিৰত চাকি বন্তি জ্বলাই পূজা অৰ্চনাও কৰা দেখা গ'ল প্ৰাৰ্থী গৰাকীক । আনহাতে বিজেপিৰ প্ৰাৰ্থী ধৰ্ম নাৰায়ণ দাসেও ৰাইজক সজাগ হ'বলৈ অনুৰোধ জনাইছে । প্ৰতিজন লোকে যাতে এইকেইদিন সাৱধানতা অৱলম্বন কৰাৰ লগতে চাবোনেৰে হাত ধুয়ে, পৰিষ্কাৰ পৰিচন্নতা বজাই ৰাখি নিজ গৃহতে থাকে তাৰ প্ৰতি অনুৰোধ জনাইছে দুয়োগৰাকী প্ৰাৰ্থীয়ে ।
আনহাতে, বাক্সাৰ জিলাৰ মানাহ ৰাষ্ট্ৰীয় উদ্যানস্থিত সোমবাৰে ফাটেমাদ চাহ বাগিচাত কৰ্মৰত চাহ শ্ৰমিক সকল কৰ'ণা ভাইৰাছৰ স্কেনিং কৰোৱাৰ উপৰিও স্বাস্থ্য পৰীক্ষা কৰা হয় । চাহ বাগিচা শ্ৰমিক সকলক কৰ'ণা ভাইৰাছৰ প্ৰতি সজাগতা সৃষ্টি কৰাৰ উদ্দেশ্যে সদৌ আদিবাসী সন্থা আৰু বাক্সা জিলাৰ আছুৰ উদ্যোগত এই বলিষ্ঠ পদক্ষেপ গ্ৰহণ কৰা হয় । চাহ বাগিচাৰ শ্ৰমিক সকলে প্ৰতি দিনে জনসমাগমৰে বাগিচা সমূহত কাম কৰিবলগীয়া হয় । যাৰ ফলত মাৰাত্মক ভাইৰাছৰ বিধৰ সংক্ৰমণৰ আশংকাত ভুগি আতংকময় পৰিবেশত বসবাস কৰিবলগীয়া হৈছে ।
এই সময়চোৱাত শ্ৰমিক সকলক কোনো ধৰণৰ পৰিস্কাৰ পৰিচন্নতাৰ প্ৰতি গুৰুত্ব নিদিয়ে বাগিচা কৰ্তৃপক্ষই ।
সেয়ে সদৌ অসম আদিবাসী ছাত্ৰ সন্থাই শীঘ্ৰেই চাহ বাগিচা সমূহক লক ডাউন কৰিবলৈ আহ্বান জনোৱাৰ উপৰিও লক ডাউনৰ সময়চোৱাত শ্ৰমিক সকলক ৰেচন পাতি যোগদান ধৰিবলৈ আহ্বান জনায় বাগিচা কৰ্তৃপক্ষক ।
