খাম, চিফুঙৰ তালে তালে বাগৰুম্বা নৃত্য প্ৰদৰ্শন কৰি ফটকা ফুটাই আনন্দ উল্লাস বড়োভূমিত

নতুন দিল্লীত ত্ৰিপাক্ষিক বড়ো শান্তি চুক্তি স্বাক্ষৰিত হোৱাৰ পিচতে বিটিএডিত বৈছে আনন্দৰ বন্যা ৷ আজি খাম, চিফুঙৰ তালে তালে বাগৰুম্বা নৃত্য প্ৰদৰ্শন কৰি, ফটকা ফুটাই কুমাৰীকাটা আঞ্চলিক এবছুৰ কাৰ্যালয়ৰ সন্মুখত এক উৎসৱমুখৰ পৰিৱেশ পৰিলক্ষিত হয়

কুমাৰীকাটা, 27 জানুৱাৰীঃ আজি বিটিএডিত বড়োসকলৰ মাজত বৈছে আনন্দৰ বন্যা ৷ নতুন দিল্লীত ত্ৰিপাক্ষিক বড়ো শান্তি চুক্তি স্বাক্ষৰিত হোৱাৰ পিচতে বিটিএডিত আনন্দত আত্মহাৰা হৈ পৰিছে বড়োসকল ৷ বিটিএডিৰ চাৰিওখন জিলাৰ বিভিন্ন প্ৰান্তত চুক্তি স্বাক্ষৰৰ পিচতে, ফটকা ফুটাই জনতাই আনন্দ উলাহ কৰাৰ সমান্তৰালকৈ আজি তামুলপুৰ, নাগ্ৰিজুলিকে ধৰি, কুমাৰীকাটা এবছুৰ কাৰ্যালয়ত ব্যাপক আনন্দ উলাহ পৰিলক্ষিত হয় ৷

বড়ো জনতাই খাম, চিফুঙৰ তালে তালে বাগৰুম্বা নৃত্য প্ৰদৰ্শন কৰি ফটকা ফুটাই, কুমাৰীকাটা আঞ্চলিক এবছুৰ কাৰ্যালয়ৰ সন্মুখত এক উৎসৱমুখৰ পৰিৱেশৰ সৃষ্টি কৰে ৷ উল্লেখ্য যে, বড়ো শান্তি চুক্তিৰ পিছত বিটিআৰৰ অবড়ো লোকৰ কোনোধৰনৰ ক্ষতি নহয় বুলি, বড়ো সাহিত্য সভাৰ প্ৰাক্তন সম্পাদক ৰাফেল দৈমাৰীয়ে জানিবলৈ দিয়ে ৷

লগতে পঢ়ক ঃ বড়ো চুক্তিক লৈ বড়ো ভূমিত আনন্দৰ বন্যা