বাক্সা,15 মাৰ্চঃ মিছা কথাৰ ভাণ্ডাৰ হাগ্ৰামা মহিলাৰী ৷ মিছা কথা কৈ কৈ ১৭ বছৰে ৰাজত্ব কৰিলে হাগ্ৰামাই ৷ বিজেপি চৰকাৰে বিবাহিতা মহিলাক ১তোলা সোণ দিম বুলি কোৱাৰ বিপৰীতে বিপিএফ নেতা হাগ্ৰামা মহিলাৰীয়ে ২তোলাকৈ সোণ দিব বুলি দম্ভালি মাৰিছিল ৷ কিন্তু নৱ বিবাহিতা এজনী যুৱতীয়েও নাপালে সোণ ৷ এনেদৰে মিছা কথা কৈ কৈ হাগ্ৰামাই এইবাৰ বিটিআৰ চলাব নোৱাৰে বুলি গুৰুতৰ অভিযোগ উত্থাপন কৰে প্ৰমোদ বড়োৱে ৷
ইয়াৰ বাহিৰেও আইএৱাই ঘৰ,অনাময় আঁচনি,উজলা আঁচনিৰ পৰা বিটিআৰ বাসীয়ে দীৰ্ঘদিনে বঞ্চিত হৈ আছে ৷ প্ৰধানমন্ত্ৰী মনমোহন সিঙকো ৰাইজে ওফৰাই পেলাইছিল একমাত্ৰ পৰিৱৰ্তনৰ স্বাৰ্থত ৷ এইবাৰ পৰিৱৰ্তনৰ বাবে হাগ্ৰামাকো ওফৰাবলৈ ৰাইজ ওলাই আহিছে বুলি মন্তব্য কৰে প্ৰমোদ বড়োৱে ৷ ইউপিপিএলে চৰকাৰ গঠন কৰিলে ৰাইজৰ হাতত থাকিব শাসন ব্যৱস্থা ৷ নিৰ্বাচিত প্ৰতিনিধিয়ে ৰাইজক বাদ দি একো কৰিব নোৱাৰে ৷ সকলো জনগোষ্ঠীৰে নিজ নিজ প্ৰতিনিধি উন্নয়ন পৰিষদ থাকিব বুলি কয় প্ৰমোদ বড়োই ৷
লগতে চাওকঃছালাকাটিত বিপিএফৰ হৈ নিৰ্বাচনত অংশ লব দেৰহাছাৎ বসুমতাৰীয়ে
