বাক্সা 13 মে' : অসম সাহিত্য সভাৰ প্ৰাক্তন সভাপতি তথা সাহিত্য অকাডেমী বঁটা প্ৰাপক বিশিষ্ট সাহিত্যিক আৰু সাংবাদিক হোমেন বৰগোহাঞিৰ আকস্মিক মৃত্যুত গভীৰ শোক প্ৰকাশ কৰিছে বাক্সা জিলা সাহিত্য সভাই । বুধবাৰে পুৱা 6.58 মিনিটত দিছপুৰৰ জিএনআৰচি হাস্পতালত চিকিৎসাধীন অৱস্থাত শেষ নিশ্বাস ত্যাগ কৰে অসমৰ অন্যতম চিন্তানায়ক হোমেন বৰগোহাঞিয়ে ৷
যুগদ্ৰষ্টা গৰাকীৰ মৃত্যুত শোক প্ৰকাশ কৰি বাক্সা জিলা সাহিত্য সভাৰ সম্পাদক শ্ৰীকামদেৱ দাসে কয় যে, অসম সাহিত্য সভাৰ ডিব্ৰুগড় অধিৱেশনৰ সভাপতি বিশিষ্ট সাহিত্যিক ড৹ হোমেন বৰগোহাঞিৰ মৃত্যু অসমীয়া সাহিত্যৰ বাবে এক অপূৰণীয় ক্ষতি । সেয়েহে প্ৰয়াত সাহিত্যিক গৰাকীৰ প্ৰতি সন্মান প্ৰদৰ্শন কৰি বাক্সা জিলা সাহিত্য সভাৰ অন্তৰ্গত সকলো শাখা সভাৰ সভাপতি আৰু সম্পাদক সকলক শাখা কাৰ্যালয় সমূহত তিনিদিনকৈ পতাকা অৰ্ধনমিত কৰি ৰাখি শ্ৰদ্ধাঞ্জলি জ্ঞাপন কৰিবলৈ সম্পাদক গৰাকীয়ে আহ্বান জনায় ৷
লগতে পঢ়ক : জাতীয় জীৱনৰ মহীৰূহ হোমেন বৰগোহাঞিৰ মৃত্যুত মৰ্মাহত আছু
