বাক্সা,১৬ আগষ্ট : বাক্সা জিলাৰ সদৰ মুছলপুৰস্থিত ডাঃ ৰবি বড়ো অসামৰিক চিকিৎসালয়(Dr. Ravi Boro Civil Hospital)ত সোমবাৰে ১৭ খন বিছনাযুক্ত এটা আইচিইউ ইউনিট(ICU Unit) আনুষ্ঠানিভাৱে মুকলি কৰা হয় । ইউনিট(ICU Unit)টো ৰঙা ফিটা কাটি মুকলি কৰে বিটিআৰৰ মুখ্য কাৰ্যবাহী সদস্য প্ৰমোদ বড়োৱে ৷ এই উপলক্ষে ডাঃ ৰবি বড়ো অসামৰিক চিকিৎসালয় চৌহদত এক সভাৰ আয়োজন কৰা হয় ৷
সভাত প্ৰমোদ বড়োৱে কয়, বিটিচিৰ ভিতৰতেই বাক্সা জিলাৰ ডাঃ ৰবি বড়ো অসামৰিক চিকিৎসালয়ত ১৩ কোটি ১৬ লাখ টকাৰ আঁচনিৰে নিৰ্মাণ কৰা এই আইচিইউ ইউনিট(ICU Unit)টো সংযোজন কৰা হ'ল । ক'ভিডৰ সময়ত এই আইচিইউ ইউনিট(ICU Unit)ৰ জৰিয়তে ৰোগীসকলৰ যথেষ্ট উপকাৰ হ'ব । আন চিকিৎসালয়লৈ স্থানান্তৰ নকৰাকৈয়ে যাতে ইয়াতেই চিকিৎসা প্ৰদান কৰিব পৰা যায় তাৰ ওপৰত গুৰুত্ব প্ৰদান কৰিবলৈও চিকিৎসক সকলক আহ্বান জনাই প্ৰমোদ বড়োৱে ৷
লগতে পঢ়ক : এতিয়াৰে পৰা বায়ুসেনা সহ বিশাল সামৰিক সম্পত্তিৰ অধিকাৰী হ’ব তালিবান
"বিচিটি অঞ্চলৰ চিকিৎসালয়সমূহৰ প্ৰধান সমস্যা হৈছে উপযুক্ত চিকিৎসকৰ অভাৱ ৷ এই সমস্যাটো সমাধান কৰিবলৈ ইতিমধ্যে অসমৰ চৰকাৰৰ লগত আলোচনা কৰা হৈছে ৷" সাংবাদিকৰ আগত এইদৰে মন্তব্য প্ৰকাশ কৰে বিটিআৰ প্ৰধান প্ৰমোদ বড়োৱে ৷
ইফালে, ৰাজ্যৰ হস্ততাঁত বস্ত্ৰ শিল্প মন্ত্ৰী উৰ্খাও গৌৰা ব্ৰহ্মই কয়, আগৰ পৰাই আইচিইউ ইউনিটৰ(ICU Unit)ৰ প্ৰয়োজন আছিল যদিও ক'ভিড পৰিস্থিতিৰ বাবে হাস্পতালখনত আইচিইউ ইউনিটৰ(ICU Unit)ৰ সংযোজন কৰাতো অতিকৈ প্ৰয়োজন হৈ পৰিছিল ৷ সেয়ে দুই মাহৰ ভিতৰত আইচিইউ ইউনিটটো নিৰ্মাণ কৰি উলিওৱা হ'ল । অনুষ্ঠানত বাক্সা জিলাৰ উপায়ুক্ত আয়ুষ গাৰ্গকে আদি কৰি কেFবাগৰাকী বিশিষ্ট ব্যক্তিয়ে অংশগ্ৰহণ কৰে ।
লগতে পঢ়ক: APSC কেলেংকাৰী : পুনৰ পাঁচগৰাকী বিষয়ালৈ জাননী ন্যায়াধীশ শৰ্মা আয়োগৰ
