বিশ্বকাপৰ পৰা বাহিৰ মহম্মদ শ্বেহজাদ

আঘাতপ্ৰাপ্ত হৈ বিশ্বকাপৰ পৰা বাহিৰ হ’ল আফগানিস্তান দলৰ উইকেটকীপাৰ বেটছমেন মহম্মদ শ্বেহজাদ ৷

স্পৰ্টছ ডেস্ক, 7 জুনঃ নিউজিলেণ্ড আৰু আফগানিস্তানৰ মেচৰ পূৰ্বে মোক্ষম আঘাত আফগানিস্তান দলৰ ৷ আঘাতপ্ৰাপ্ত হৈ 2019 এদিনীয়া ক্ৰিকেট বিশ্বকাপৰ পৰা বাহিৰ হ’ল আফগানিস্তানৰ উইকেটকীপাৰ বেটছমন মহম্মদ শ্বেহজাদ ৷ ৱাৰ্ম আপ মেচত আঘাতৰ সন্মুখীন হৈ ৰিটায়াৰ হাৰ্ট হৈছিল খেলুৱৈগৰাকী ৷ ইয়াৰ পাচত শ্ৰীলংকা আৰু অষ্ট্ৰেলিয়াৰ বিৰুদ্ধে খেলুৱৈগৰাকীয়ে অংশগ্ৰহণ কৰিছিল যদিও এতিয়া টুৰ্ণামেণ্টৰ বাহিৰ হ’বলগীয়া হয় খেলুৱৈগৰাকী ৷

তেওঁৰ স্থানত উইকেটকীপাৰ বেটছমেন ইকৰাম আলীক দলত অন্তৰ্ভূক্ত কৰা হৈছে ৷ ইংলেণ্ডত অনুষ্ঠিত হোৱা 2019 ক্ৰিকেট বিশ্বকাপত দুখন মেচত অৱতীৰ্ণ হৈছে দলটো ৷ য’ত 7 উইকেটত অষ্ট্ৰেলিয়া আৰু 41 ৰানত শ্ৰীলংকাৰ হাতত পৰাজয়বৰণ কৰিছিল দলটোৱে ৷ অহা 8 জুনত নিউজিলেণ্ডৰ বিৰুদ্ধে মুখামুখি হ’ব আফগানিস্তান ৷