স্পৰ্টছ ডেস্ক, 4 আগষ্টঃ শনিবাৰে আন্তঃৰা৷ষ্ট্ৰীয় টি-20ত অভিষেক ঘটিল ভাৰতীয় দ্ৰুতবেগী বলাৰ নৱদ্বীপ চাইনীৰ ৷ অভিষেক মেচতেই নিজৰ সুন্দৰ বলিং প্ৰদৰ্শনেৰে ভাৰতীয় দলৰ জয়ত মুখ্য ভূমিকা পালন কৰিলে যুৱ খেলুৱৈগৰাকীয়ে ৷ শনিবাৰে অনুষ্ঠিত হোৱা প্ৰথমখন টি-20 মেচত 3 টা উইকেট দখল কৰিবলৈ সক্ষম হয় চাইনীয়ে ৷
চাইনীয়ে নিকলাছ পুৰাণ, কাইৰণ পলাৰ্ড আৰু শ্বিমৰণ হেটমেয়াৰ উইকেট দখল কৰিবলৈ সক্ষম হয় ৷ চাইনীয়ে নিজৰ 4 অভাৰত 1 অভাৰ মেইডেন আৰু 17 ৰান দি মুঠ 3 টা উইকেট দখল কৰে ৷ ভাৰতে মেচখনত 4 উইকেটত জয় লাভ কৰিবলৈ সক্ষম হয় ৷ ৱেষ্ট ইণ্ডিজে প্ৰথমে বেটিং কৰি 20 অভাৰত 9 টা উইকেট হেৰুৱাই 95 ৰান সংগ্ৰহ কৰিছিল ৷ ভাৰতে ইয়াৰ প্ৰত্যুত্তৰত 6 উইকেট হেৰুৱাই 17.2 অভাৰত লক্ষ্যত উপনীত হয় ৷
