তেলেগু অভিনেত্ৰী বিজয়া নিৰ্মলাৰ দেহাৱসান

তেলেগু ছবিৰ জনপ্ৰিয় অভিনেত্ৰীগৰাকীয়ে সৰ্বমুঠ ৪৪ খন ছবি পৰিচালনা কৰিছে ৷

হায়দৰাবাদ, ২৭ জুনঃ তেলেগু অভিনেত্ৰী তথা পৰিচালক বিজয়া নিৰ্মলাৰ দেহাৱসান । বৃহস্পতিবাৰে পুৱা হায়দৰাবাদৰ গাচ্চীবাউলীস্থিত কন্টিনেণ্টেল হস্পিতালত শেষ নিশ্বাস ত্যাগ কৰে টলিউড জগতৰ বিশিষ্ট পৰিচালকগৰাকীয়ে ।

তেলেগু ছবিৰ জনপ্ৰিয় অভিনেত্ৰীগৰাকীয়ে সৰ্বমুঠ ৪৪ খনত ছবি পৰিচালনা কৰিছে । বিগত ২০০২ বৰ্ষত মহিলা হিচাপে সৰ্বাধিক ছবি পৰিচালনা কৰাৰ বাবে গীনিজ বুক অফ ৱৰ্ল্ড ৰেকৰ্ডছ'ত নাম সন্নিবিষ্ট কৰিবলৈ সক্ষম হৈছিল ।