চিটাৰা ডেস্ক, 24 ফ্ৰেব্ৰুৱাৰী: আজি শ্ৰী দেৱীৰ চতুৰ্থ সংখ্যক মৃত্যু বাৰ্ষিকী (Sridevi death anniversary) ৷ 2018 চনৰ 24 ফ্ৰেব্ৰুৱাৰীত ডুবাইৰ এখন হোটেলৰ বাথৰুমত উদ্ধাৰ হৈছিল শ্ৰী দেৱীৰ মৃতদেহ ৷ উল্লেখযোগ্য যে, ডুবাইত পৰিয়ালৰ বিবাহ অনুষ্ঠান উপভোগ কৰিবলৈ সপৰিয়ালে গৈছিল শ্ৰী দেৱী ৷
বলীউডৰ এই বলিষ্ঠ অভিনেত্ৰী গৰাকী আজি আমাৰ মাজত নাই যদিও নিজৰ কৰ্মেৰে তেওঁ সদায় আমাৰ মাজত জীয়াই আছে আৰু আগলৈয়ো জীয়াই থাকিব ৷ সকলোৰে মৰমৰ অভিনেত্ৰী শ্ৰী দেৱীৰ অৱশ্যে বহুতো কাহিনী আছে ৷ কিন্তু আজি জানো আহক তেওঁৰ বিশেষ 5 টা কথা (Five facts of Sridevi) যি কেইটা কেৱল অভিনেত্ৰী গৰাকীৰ ডাই-হাৰ্ড ফেন বোৰেহে জানে ৷
1.বনি কাপুৰলৈ কেতিয়া খং উঠে শ্ৰী দেৱীৰ
হাঁহিমুখীয়া স্বভাৱৰ আছিল শ্ৰী দেৱী ৷ প্ৰতিটো দিনেই নতুনকৈ জীয়াই থকাত বিশ্বাস কৰিছিল তেওঁ ৷ পৰিয়ালৰ লগত বেছিকৈ সময় অতিবাহিত কৰি ভাল পাইছিল অভিনেত্ৰী গৰাকীয়ে ৷ বনি কাপুৰ আৰু শ্ৰী দেৱীৰ মাজত অসীম ভালপোৱা আছিল যদিও এটা কথাত শ্ৰী দেৱীয়ে বেয়া পাইছিল স্বামীক ৷ বনি কাপুৰে কেতিয়াবা ধেমালিতে বয়সৰ কথা মনত পেলাই দিলে খং উঠিছিল শ্ৰী দেৱীৰ ৷
2.কোনটো কথাত শ্ৰী দেৱীয়ে নকৰে কম্প্ৰমাইজ
সুন্দৰতাৰ প্ৰতীক আছিল শ্ৰী দেৱী ৷ কোনেও ফেৰ মাৰিব নোৱাৰা বিধৰ আছিল তেওঁৰ সৌন্দৰ্য ৷ নিজৰ সৌন্দৰ্যৰ প্ৰতি সদা সচেতন অভিনেত্ৰী গৰাকীয়ে সেইবাবে কেতিয়াও কৰা নাছিল নিজৰ খোৱা লোৱাৰ সৈতে কম্প্ৰমাইজ ৷ নিজৰ লুকটো লৈ কেতিয়াও কম্প্ৰমাইজ কৰিব বিচৰা নাছিল বাবে যিকোনো অনুষ্ঠানলৈ ৰেডি হওঁতে যথেষ্ট সময় লৈছিল শ্ৰী দেৱীয়ে ৷
3.কি আছিল শ্ৰী দেৱীৰ প্ৰিয় পোছাক
বলীউডৰ ফেশ্বন ডিভা হিচাপে খ্যাত আছিল শ্ৰী দেৱী ৷ জনা যায় যে কৰবালৈ ফুৰিবলৈ গ’লেই শ্ৰী দেৱীয়ে কিনিছিল এখনকৈ হ’লেও শাৰী ৷ তেওঁৰ ড্ৰেছিং কালেক্চনত বেছিভাগ শাৰীয়েই আছিল আৰু ইভেণ্টবোৰতো তেওঁ প্ৰায়ে শাৰীয়েই পৰিধান কৰিছিল ৷
4.ঘৰত বিশেষভাৱে কি কাম কৰিছিল শ্ৰী দেৱীয়ে
গ্লেমাৰাচ জগতৰ লগত জড়িত হৈয়ো সম্পূৰ্ণ এগৰাকী পাৰিবাৰিক মহিলা আছিল তেওঁ ৷ ঘৰৰ সকলো কাম নিজেই কৰিছিল শ্ৰী দেৱীয়ে ৷ খাদ্য ৰন্ধাৰ পৰা আৰম্ভ কৰি চাফাই কামলৈকে সকলো কৰিছিল তেওঁ ৷
5.কাক আটাইতকৈ ভাল পাইছিল শ্ৰী দেৱীয়ে
বনি কাপুৰৰ সৈতে বিবাহৰ পিছত জাহ্নৱী আৰু খুশী নামেৰে দুগৰাকী জীয়ৰীৰ মাতৃ হোৱাৰ গৌৰৱ লাভ কৰিছিল শ্ৰী দেৱীয়ে ৷ যিকোনো অনুষ্ঠানলৈ শ্ৰী দেৱী সদায় দুই কন্যাৰ লগতে গৈছিল ৷ জাহ্নৱী আৰু খুশী আছিল তেওঁ জীৱনৰ গভীৰ প্ৰেম ৷
লগতে পঢ়ক: অৰ্জুন কাপুৰৰ এটা Instagram ৰিপ্লাইয়ে আউল লগাইছে আলিয়া-ৰণবীৰৰ সম্পৰ্কত !
