চিটাৰা ডেস্ক,10 অক্টোবৰঃ মুক্তিৰ দিন সলনি হ'ল সিদ্ধাৰ্থ মলহোত্ৰা আৰু তাৰা চুটাৰিয়া অভিনীত "মাৰজাৱা" চলচ্চিত্ৰৰ ৷ 8 নৱেম্বৰত মুক্তিৰ দিন ধাৰ্য কৰা ছবিখনৰ মুক্তিৰ তাৰিখ সলনি কৰাৰ কাৰণটো হৈছে দীনেশ ভিজানৰ আহিবলগীয়া ছবি "বালা" ৷ নৱেম্বৰৰ 7 তাৰিখে মুক্তি পাব দীনেশ ভিজানৰ "বালা" ৷ ইফালে ভূষণ কুমাৰ আৰু দীনেশ ভিজানৰ মাজত আছে এক মধুৰ সম্পৰ্ক ৷ সেই সূত্ৰে ছবি দুখনৰ মাজত হ'ব পৰা সংঘৰ্ষৰ বাবেই "মাৰজাৱা"ৰ মুক্তিৰ দিন পিছুওৱা হৈছে 15 নৱেম্বৰলৈ ৷
চলচ্চিত্ৰ সমালোচক তৰণ আদৰ্শই এই কথা জনালে টুইটাৰ যোগে ৷ উল্লেখ্য যে, দীনেশ ভিজানৰ বালাত আয়ুষ্মান খুৰানা , ভূমি পেডনেকাৰ আৰু য়ামি গৌতমে অভিনয় কৰিছে৷ ইফালে ক্ৰাইম থ্ৰিলাৰ এক ভিলানৰ চিকুৱেল মাৰাজাৱাখনত সিদ্ধাৰ্থ মলহোত্ৰাৰ লগতে অভিনয় কৰিছে ৰীতেশ দেশমুখ আৰু ৰাকুল প্ৰীত সিঙে ৷
