চিটাৰা ডেস্ক, 12 মাৰ্চ: বৰ্তমান প্ৰজন্মৰ এজন জনপ্ৰিয় গায়ক জুবিন নৌটিয়ালৰ আছে এগৰাকী অভিনেত্ৰীৰে সৈতে প্ৰেমৰ সম্পৰ্ক (Jubin nautiyal love life) ৷ বিগত কিছু সময় ধৰি সংগীত শিল্পীজন প্ৰেমৰ বাতৰিৰে শিৰোনামা দখল কৰি আছে ৷
ফেমিনা মিছ ইণ্ডিয়া 2012 ৰ শীৰ্ষ প্ৰতিযোগী নিকিতা দত্তৰ সৈতে প্ৰেমৰ বাতৰিৰে চৰ্চিত হৈ পৰিছে গায়কজন (Jubin Nautiyal girlfriend name) ৷ দুয়োকে একেলগে কেইবাবাৰো পাপাৰাজীয়ে নিজৰ কেমেৰাত বন্দী কৰিছে ৷ তেতিয়াৰে পৰাই দুয়োৰে মাজৰ সম্পৰ্কক লৈ চলিছে আলোচনা !
এয়াৰপ’ৰ্টৰ পৰা আৰম্ভ কৰি লান্স ডেট, ডিনাৰ ডেট সকলোতে একেলগে দেখা যায় জুবিন নিকিতাক ৷ খবৰ আহিছে যে, দুয়ো বিয়াত বহিবলৈ মন মেলিছে ৷ দুয়োটা পৰিয়ালৰে মাজত ইতিমধ্যে আহ-যাহ হোৱাৰো খবৰো আহিছে ৷ নিকিতা নিজৰ পৰিয়ালৰে সৈতে উত্তৰাখণ্ডত থকা জুবিনৰ ঘৰলৈয়ো গৈছে ৷ তাৰ পিছতেই মুম্বাইৰ নিকিতাৰ ঘৰলৈয়ো গৈছে জুবিন ৷
সামাজিক মাধ্যমত জুবিন নিকিতাই ইজনে আনজনৰ পোষ্টত খুব লাইক কমেণ্ট কৰা দেখি এতিয়া অনুৰাগীয়েও তেওঁলোকৰ মাজৰ সম্পৰ্ককলৈ নিশ্চিত হৈ পৰিছে ৷ কবীৰ সিং ছবিখনৰ ছেটত প্ৰথমবাৰৰ বাবে জুবিনে লগ পাইছিল নিকিতাক ৷ ছবিখনৰ জনপ্ৰিয় গান তুঝে কিতনা চাহনে লাগে হাম শীৰ্ষক গানটোত কণ্ঠদান কৰিছিল জুবিনে ৷
লগতে পঢ়ক: শেহতীয়াকৈ মুক্তি প্ৰাপ্ত পুষ্পাৰ প্ৰথমখণ্ডৰ ঢৌ মাৰ নৌযাওতেই শ্বুটিং আৰম্ভ হ’ল পুষ্পা-2 ৰ
