নিউজ ডেস্ক, 17 এপ্ৰিলঃ বলিউডৰ বৰ্ষীয়ান তথা বিশিষ্ট অভিনেতা অনুপম খেৰ অভিনীত 'ওৱান দে'ৰ বাহিৰ হ'ল অভিনেতাজনৰ ফাৰ্ষ্ট লুক ৷ শীঘ্ৰে ছবিখনৰ টীজৰ মুক্তি লাভ কৰিব বুলিও মন্তব্য কৰে ছবিখনৰ কলা-কুশলীয়ে ৷ বিগত ফেব্ৰুৱাৰী মাহতে ছবিখনৰ পোষ্টাৰ বাহিৰ হৈছিল যদিও ছবিখনৰ টীজৰ মুক্তিৰ পূৰ্বে এটি চুটি ভিডিঅ' বাহিৰ কৰি ছবিখন সন্দৰ্ভত দৰ্শকক চমু আভাস দিয়াৰ চেষ্টা কলা-কুশলীৰ ৷
আনহাতে, ভিডিঅ'টোত অনুপম খেৰক এজন বৰ্ষীয়ান লোকৰ চৰিত্ৰত প্ৰত্যক্ষ কৰিবলৈ পোৱা গৈছে ৷ তাৰোপৰি ছবিখনৰ টেগ লাইনত লিখা অনুসৰি অনুমান কৰিব পাৰি ছবিখনত এজন অৱসৰ প্ৰাপ্ত লোকে অপৰাধ মূলক ঘটনাৰ পৰা ন্যায়ৰ বাবে যুঁজ দিয়া ।
