নগাঁৱত ছাত্ৰক আক্ৰমণক লৈ উত্তপ্ত পৰিস্থিতি

নগাঁও আইটিআইৰ ছাত্ৰক আক্ৰমণৰ ঘটনাক লৈ মাজনিশা উত্তপ্ত হৈ পৰে জিলাখনৰ পানীগাঁও অঞ্চল ৷ প্ৰতিষ্ঠানখনৰ দুগৰাকী শিক্ষাৰ্থীক আক্ৰমণ কৰাক কেন্দ্ৰ কৰি নিশাই প্ৰতিবাদ সাব্যস্ত কৰে অন্যান্য ছাত্ৰসকলে ৷ ঘটনা সন্দৰ্ভত আৰক্ষীৰ তদন্ত অব্যাহত ৷

নগাঁৱ, 6 আগষ্টঃ ছাত্ৰক আক্ৰমনক লৈ উত্তপ্ত হৈ পৰে নগাঁৱৰ পানীগাঁও অঞ্চল ৷ নিশাৰ ভাগত কোনো অচিনাক্ত দুৰ্বৃত্তই আক্ৰমণ কৰে নগাঁও আইটিআইৰ ছাত্ৰক ৷ দুৰ্বৃত্তৰ আক্ৰমণত গুৰুতৰভাৱে আঘাতপ্ৰাপ্ত হয় প্ৰাঞ্জল দেউৰী আৰু চিৰঞ্জীৱ কলিতা নামৰ ছাত্ৰদুজন ৷ ছাত্ৰাবাসৰ সন্মুখতে এইদৰে শিক্ষাৰ্থীক আক্ৰমণ কৰাক লৈ উত্তপ্ত হৈ পৰে সমগ্ৰ অঞ্চলটো ৷ অৱশেষত আৰক্ষীৰ উপস্থিতিত পৰিস্থিতি শাম কটাৰ লগতে আঘাতপ্ৰাপ্ত ছাত্ৰ দুজনক চিকিৎসালয়লৈ প্ৰেৰণ কৰা হয় ৷