ইণ্টাৰনেশ্যনেল ডেস্ক, ২৯ এপ্ৰিল : আপুনি হয়টো শুক্ৰাণু দানৰ কথা শুনিছে (Sperm donation)! কিন্তু শুনি আচৰিত হ'ব যে নেডাৰলেণ্ডৰ এজন ব্যক্তিয়ে শুক্ৰাণু দান কৰি ৫৫০-৬০০ সন্তানৰ কথিত পিতৃ হোৱাৰ অভিলেখ গঢ়িছে । অৱশ্যে শেহতীয়াকৈ নেডাৰলেণ্ডৰ এখন আদালতে ব্যক্তিগৰাকীক শুক্ৰাণু দানত বাধা আৰোপ কৰিছে । হেগ জিলা আদালতৰ মতে ব্যক্তিগৰাকীয়ে ইতিমধ্যে পিতৃ হোৱা শিশুৰ সংখ্যা, শুক্ৰাণু দান কৰাৰ সময় আৰু অধিক শুক্ৰাণু দান কৰাৰ অভিপ্ৰায়ৰ বিষয়ে মিছা মাতিছে (Netherland man barred from donating sperm)।
সেই অভিভাৱকলসকলে এতিয়া এই সত্যৰ সন্মুখীন হৈছে যে, তেওঁলোকৰ সন্তান অসংখ্য সতীয়া ভাই-ভনীৰ সৈতে বিশাল আত্মীয় নেটৱৰ্কৰ অংশ হৈছে । নেডাৰলেণ্ডৰ গোপনীয়তা আইনৰ বাবে চৰকাৰে ব্যক্তিজনৰ পৰিচয় ৰাজহুৱা কৰাৰ পৰা বিৰত আছে । অৱশ্যে, দ্য নিউয়ৰ্ক টাইমছলৈ এটা ইমেইলযোগে এটা প্ৰবন্ধৰ বাবে স্বাস্থ্য মন্ত্ৰালয়ৰ এগৰাকী মুখপাত্ৰই তেওঁৰ পৰিচয় ৪১ বছৰীয়া জনাথন জেকব মেইজাৰ বুলি নিশ্চিত কৰিছে ।
মুখপাত্ৰগৰাকীয়ে সংবাদ মাধ্যমক জনোৱা মতে, এগৰাকী দাতাই তেওঁলোকৰ নিৰ্দিষ্ট ক্লিনিকৰ সৈতে এক চুক্তি স্বাক্ষৰ কৰিব লাগে আৰু তেওঁ আন ক্লিনিকত শুক্ৰাণু দান কৰিব নোৱাৰে । কিন্তু ব্যক্তিজনে শুক্ৰাণু দানৰ ক্ষেত্ৰত চুক্তি স্বাক্ষৰ কৰিছিল যদিও অধিক শুক্ৰাণু বেংকত দান কৰিছিল । যাৰ ফলত তেওঁৰ শুক্ৰাণুৰে প্ৰায় ১০২ টা কেঁচুৱাৰ জন্ম হৈছিল (Illegal donation of sperm in Netherland)।
ডাচ ডোনাৰ চাইল্ড ফাউণ্ডেচনে দাখিল কৰা এক আবেদনৰ ভিত্তিত আদালতে সিদ্ধান্ত গ্ৰহণ কৰিছে । ফাউণ্ডেচনৰ হৈ এগৰাকী মহিলাই আদালতক কৈছিল যে শিশুসকলক বিশ্ৰামৰ প্ৰয়োজন ।
আদালতৰ দস্তাবেজ অনুসৰি, মেইজাৰ নামৰ ব্যক্তিজনে নেডাৰলেণ্ডৰ কমেও ১১ টা ক্লিনিকত শুক্ৰাণু দান কৰিছিল । নেডাৰলেণ্ডৰ নিয়ম অনুসৰি, সেই প্ৰতিটো ক্লিনিকে তেওঁৰ শুক্ৰাণুক ২৫ টা সন্তান জন্ম দিবলৈ সৰ্বাধিক ১২ গৰাকী মাতৃক দান কৰিবলৈ অনুমতি দিয়ে । আদালতৰ তথ্য অনুসৰি, মেইজাৰে ক্লিনিকবোৰক মিছা কৈছিল যে, তেওঁ আন কোনো ক্লিনিকত দান কৰা নাছিল আৰু ভৱিষ্যতে এনে কৰাৰ পৰিকল্পনা কৰা নাছিল (Netherland court order on illegal sperm donation)।
২০১৭ চনৰ এক প্ৰতিবেদন অনুসৰি, মেইজাৰে ২০০৭ৰ পৰা ২০১৭ চনৰ ভিতৰত ক্লিনিকৰ জৰিয়তে ১০২ টা শিশুৰ পিতৃ হৈছিল । দ্য নিউয়ৰ্ক টাইমছৰ মতে, ২০১৫ আৰু ২০১৮ চনৰ ভিতৰত, তেওঁ ডেনমাৰ্কৰ এটা ক্লিনিকত শুক্ৰাণু দান কৰিছিল যি সেই সময়ত দান কৰা শুক্ৰাণুৰ পৰা জন্ম শিশুৰ সংখ্যাৰ ওপৰত কোনো সীমা নিৰ্ধাৰণ কৰা নাছিল আৰু ই আন দেশৰ লোকলৈও প্ৰেৰণ কৰা হৈছিল ।
মেইজাৰে নেডাৰলেণ্ড আৰু বিদেশৰ সামাজিক মাধ্যমৰ প্লেটফৰ্মৰ জৰিয়তে তেওঁৰ শুক্ৰাণু প্ৰদান কৰিছিল । আদালতৰ মতে মেইজাৰে একাধিক অভিভাৱকৰ সৈতে সম্পৰ্ক ৰাখিছে ।
লগতে পঢ়ক :Wiener Zeitung crisis : ইতিহাস হ'ব বিশ্বৰ পুৰণি দৈনিক বাতৰি কাকত
