ইণ্টাৰনেশ্যনেল ডেস্ক, ১৪ ডিচেম্বৰ : ১৯৭১ চনত বাংলাদেশত পাকিস্তানী সেনাই কৰাৰ বৰ্বৰতাৰ বাবে পাকিস্তানে ক্ষমা বিচৰাৰ দাবী উত্থাপন কৰি সোমবাৰে বাংলাদেশত চাইকেল ৰেলীৰ আয়োজন কৰা হয় । ভাৰত-বাংলাদেশ সম্প্ৰীতি সংগঠনৰ সাধাৰণ সম্পাদক তৌফিক তফছিৰে আয়োজন কৰা এই ৰেলীত ১২০ জনৰো অধিক লোকে অংশ লয় । হাতে হাতে বেনাৰ লৈ পাক সেনাৰ বৰ্বৰতাক ধিকাৰ দিয়ে প্ৰতিবাদকাৰী লোকসকলে ।
পাকিস্তান সেনাৰ বৰ্বৰতা পাহৰিব নোৱাৰি, পাকিস্তানে বঙালী বুদ্ধিজীৱিক নিঃশেষ কৰিব বিচাৰিছিল, ক্ষমা নিবিচৰালৈকে পাকিস্তানৰ সৈতে সকলো সম্পৰ্ক বিচ্ছিন্ন কৰক আদি শ্ল'গানেৰে ৰাজপথ উত্তাল কৰি তোলে । নিকেতনৰ পৰা গুলছন এভিনিউলৈকে এই চাইকেল ৰেলী উলিওৱা হয় । আমেৰিকাতো সোমবাৰে একে বিষয়ক লৈ পাকিস্তান দূতাবাসৰ সন্মুখত প্ৰতিবাদী কাৰ্যসূচী ৰূপায়ণ কৰা হয় ।
লগতে পঢ়ক:বন্যহস্তীক সুৰক্ষা দিয়াত বিফল হৈছে নেকি বন বিভাগ !
