চিটাৰা ডেস্ক, 13 নৱেম্বৰ: বলীউডৰ অভিনেত্ৰী পৰিণীতি চোপড়াই বিবাহৰ পিচৰে বাতৰিৰ শিৰোনাম দখল কৰি আহিছে । শেহতীয়াকৈ আপ নেতা ৰাঘৱ চাড্ডাৰ সৈতে বিবাহপাশত হৈছিল অভিনেত্ৰীগৰাকী । বিয়াৰ পিচত এইবাৰৰ সকলো উৎসৱ অভিনেত্ৰীগৰাকীৰ বিশেষ, কাৰণ স্বামীৰ সৈতে এয়া অভিনেত্ৰীগৰাকীৰ প্ৰথম উৎসৱ ৷ পৰিণীতিয়ে দেওবাৰে নিশা স্বামী ৰাঘৱৰ সৈতে প্ৰথম দীপাৱলী উদযাপন কৰে । পৰিণীতিয়ে স্বামী ৰাঘৱ চাড্ডাৰ সৈতে পৰম্পৰাগত ৰূপত দীপাৱলী উৎসৱ উদযাপন কৰে, যাৰ ছবি পৰিণীতিয়ে ছ’চিয়েল মিডিয়াত শ্বেয়াৰ কৰিছে । ছবিবোৰত একেলগে দুয়োকে পোজ দিয়া দেখা গৈছে ।
এই দীপাৱলী পৰিণীতি চোপড়াৰ বাবে আছিল অতি বিশেষ । কিয়নো দিল্লীৰ শহুৰেকৰ ঘৰত অভিনেত্ৰীগৰাকীয়ে উদযাপন কৰিছে দেৱালী । পৰিণীতিয়ে স্বামী ৰাঘৱ চাড্ডা আৰু শহুৰেকৰ ঘৰৰ পৰিয়ালৰ সৈতে দীপাৱলী উদযাপন কৰে । পৰিণীতিৰ এইবাৰৰ দীপাৱলী অতি উজ্জ্বল আৰু ৰোমান্টিক আছিল । উৎসৱৰ এদিন পিচতে অভিনেত্ৰীগৰাকীয়ে ইনষ্টাগ্ৰামত প্ৰথম দীপাৱলীৰ ফটো শ্বেয়াৰ কৰিছে । ছবিসমূহত ৰাঘৱ চাড্ডাৰ সৈতে হাঁহি হাঁহি পোজ দিছে অভিনেত্ৰীগৰাকীয়ে । ফটোসমূহ শ্বেয়াৰ কৰি পৰিণীতিয়ে লিখিছে, ‘‘My Home।’’
দীপাৱলীৰ বাবে অভিনেত্ৰীগৰাকীয়ে পৰিধান কৰিছিল মেৰুণ ৰঙৰ শাৰী, য’ত অভিনেত্ৰীগৰাকীক অতি সুন্দৰ দেখা গৈছে । ইয়াৰ বিপৰীতে ক’লা কুৰ্তা-পাইজামাৰ সৈতে মেচিং মেৰুণ চাদৰ পৰিধান কৰিছে ৰাঘৱে । এখন ফটোত পৰিণীতি-ৰাঘৱে চাকি জ্বলাই আছে আৰু আন এখন ফটোত পৰিয়ে ৰাঘৱক চুমা খোৱা দেখা গৈছে ।
ইফালে ৰাঘৱ চাড্ডাইও একেদৰে ছ’চিয়েল মিডিয়াত শ্বেয়াৰ কৰিছে দীপাৱলী উদযাপনৰ ফটো ৷ তিনিখন ফটো শ্বেয়াৰ কৰি আপ নেতাগৰাকীয়ে লিখিছে- প্ৰথম দীপাৱলী মোৰ ফটকাৰ সৈতে ৷
ইয়াৰ পূৰ্বে অভিনেত্ৰীগৰাকীয়ে ইনষ্টাগ্ৰাম ষ্ট’ৰীছত এখন ছবি শ্বেয়াৰ কৰিছিল য’ত তেওঁৰ ঘৰখন দীপাৱলীৰ সজ্জাৰে সজাই তোলা দেখা গৈছিল । ফুলৰ ৰংগোলী আৰু চাকিৰে ঘৰখন সজোৱা দেখা গৈছিল । এই ফটোখন শ্বেয়াৰ কৰি পৰিণীতিয়ে অনুৰাগীক দীপাৱলীৰ শুভেচ্ছা জনাইছিল ।
লগতে পঢ়ক: Shraddha Kapoor:কোটি টকীয়া বাহন চলাই দীপাৱলী পাৰ্টিত উপস্থিত হ’ল শ্ৰদ্ধা কাপুৰ, হতবাক অনুৰাগী
