চিটাৰা ডেস্ক, ১৮ মে’: বক্স অফিচত ‘পুষ্পা: দ্য ৰাইজ’ ছবিখনে বিপুল সফলতা লাভ কৰাৰ পিচত এতিয়া পৰৱৰ্তী খণ্ডৰ কামত ব্যস্ত হৈ পৰিছে সুকুমাৰ (Sukumar)। আল্লু অৰ্জুন (Allu Arjun) আৰু ৰশ্মিকা মান্দানা (Rashmika Mandanna) অভিনীত এই ছবিখনৰ দ্বিতীয় খণ্ডৰ নাম হ’ব ‘পুষ্পা ২: দ্য ৰুল’ (Pushpa 2 The Rule) । এই ছবিখনত ফাহাদ ফাচিলক গুৰুত্বপূৰ্ণ চৰিত্ৰত অভিনয় কৰা দেখা যাব ৷ ফাহাদৰ চৰিত্ৰৰ নাম ভনোৱাৰ সিং শ্বেখাৱট (Fahadh Faasil) ৷ জানিব পৰা মতে বৃহস্পতিবাৰে অভিনেতাগৰাকীয়ে ছবিখনৰ এটা গুৰুত্বপূৰ্ণ খণ্ডৰ শ্বুটিং সম্পূৰ্ণ কৰিছে ৷ বৃহস্পতিবাৰে এক টুইটযোগে ছবিখনৰ প্ৰডাকচন কোম্পানীয়ে অৱগত কৰে এই খবৰ ৷
প্ৰথম খণ্ডৰ শেষত ভানোৱাৰ সিং শ্বেখাৱট আৰু পুষ্পৰাজৰ সংঘৰ্ষ নতুন অধ্যায়ত তীব্ৰতৰ হ’ব বুলি ইংগিত দিয়া হৈছিল । যদিও সুকুমাৰে প্ৰথম খণ্ডটো মুক্তি পোৱাৰ আগতে দ্বিতীয় খণ্ডটোৰ কিছু দৃশ্যগ্ৰহণ কৰিছিল কিন্তু এই সকলোবোৰ ফুটেজ ছবিখনৰ দ্বিতীয় খণ্ডত ব্যৱহাৰ কৰা হোৱা নাই বুলি জানিব পৰা গৈছে ৷ কিয়নো এই ছবিখন সম্পূৰ্ণ নতুনকৈ নিৰ্মাণ কৰিছে নিৰ্মাতাই ৷ এক সূত্ৰৰ জৰিয়তে লাভ কৰা তথ্য অনুসৰি ছবিখনৰ কাম এখোজ আগুৱাই গৈছে ৷ ফহাধ ফাচিলৰ সৈতে ৷ আন এক গুৰুত্বপূৰ্ণ দৃশ্যৰ শ্বুটিং শেষ কৰিছে নিৰ্মাতাই (Pushpa 2 schedule wrap) ৷
ফাহাদৰ এখন ছবি আজি টুইটাৰত শ্বেয়াৰ কৰিছে প্ৰযোজক কোম্পানী মৈত্ৰী মুভি মেকাৰে । ছবিখন শ্বেয়াৰ কৰি কেপচনত লিখিছে, ‘পুষ্পা: দ্য ৰুলৰ আন এটা গুৰুত্বপূৰ্ণ দৃশ্যৰ শ্বুটিং শেষ কৰিছে ভনোৱাৰ সিং চেখাৱট ওৰফে ফাহাধ ফাচিলে । এতিয়া তেওঁ পুনৰ প্ৰতিশোধ ল’বলৈ উভতি আহিব ।’ কিছুদিন পূৰ্বে এই ছবিখনৰ টিজাৰো মুক্তি পাইছিল (Mythri Movie Makers) ৷
কিছুদিন পূৰ্বে মুক্তি পোৱা টিজাৰত দেখা পোৱা গৈছিল, পুষ্পৰাজ জেলৰ পৰা নিৰুদ্দেশ হৈছে ৷ কোনো কোনোৱে কয় যে তেওঁক আৰক্ষীৰ এনকাউণ্টাৰত হত্যা কৰা হৈছিল ৷ আন কিছুমানে ভাবিছে যে পুষ্পা এতিয়াও জীয়াই আছে ৷ টিজাৰৰ একেবাৰে শেষত বন বিভাগৰ লুকাই থকা কেমেৰাত বাঘৰ ফটো তুলিবলৈ এটা অদ্ভুত দৃশ্য ধৰা পৰিছে । আচলতে পুষ্পাই নিজেই কৈছিল যে তেওঁ জীয়াই আছে সেই খবৰটো টেলিভিছনত সম্প্ৰচাৰিত হৈছে ৷ এতিয়া এই কাহিনীটো কোন দিশলৈ গতি কৰিব সেয়া জানিবলৈ আমি আৰু কিছু সময় অপেক্ষা কৰিব লাগিব ৷
লগতে পঢ়ক: Pushpa The Rule TEASER: ৰশ্মিকা মান্দানাৰ জন্মদিনত অনুৰাগীলৈ পুষ্পা 2 ৰ ডাঙৰ উপহাৰ
