চিটাৰা ডেস্ক, 3 ফেব্ৰুৱাৰী : যোৱা 30 বছৰ ধৰি ভাৰতীয় চলচ্চিত্ৰ জগতত শাসন চলাই আহিছে শ্বাহৰুখ খানে । এইক্ষেত্ৰত দেশ আৰু বিশ্বত তেওঁৰ অনুৰাগীৰ তালিকা অতি দীঘলীয়া । শ্বাহৰুখৰ অনুৰাগীসকলে তেওঁৰ ছবিৰ বাবে আগ্ৰহেৰে অপেক্ষা কৰি আছিল, যিহেতু অভিনেতাজন দীৰ্ঘসময় ধৰি ছবিজগতৰ পৰা আঁতৰি আছিল । শ্বাহৰুখ আৰু তেওঁৰ ছবিসমূহ সমগ্ৰ বিশ্বতে বিখ্যাত । বৰ্তমান শ্বাহৰুখ খান ব্লকবাষ্টাৰ ছবি ‘পাঠান’ৰ বাবে আলোচনাত আছে । ‘পাঠান’ ছবিখনে অৰ্জনৰ ক্ষেত্ৰত সমগ্ৰ বিশ্বতে 700 কোটি টকাৰ পৰিসংখ্যা স্পৰ্শ কৰিছে ।
আচৰিত কথাটো হ’ল যে চুবুৰীয়া দেশ পাকিস্তানত পাঠান অবৈধভাৱে দেখুওৱা হৈছে । তাৎপৰ্যপূৰ্ণভাৱে পুলৱামা আক্ৰমণৰ পিছত (2019) ভাৰতে পাকিস্তানৰ শিল্পী আৰু ছবি নিষিদ্ধ কৰিছিল, যিটো বৰ্তমানেও অব্যাহত আছে ।
সমগ্ৰ বিশ্বতে চৰ্চাত পাঠান
পাঠান ছবিখন 25 জানুৱাৰীত পাকিস্তানৰ বাহিৰে 100 খনতকৈও অধিক দেশৰ 8000 হাজাৰ পৰ্দাত মুক্তি পাইছিল । পাঠানক 5500 খন ঘৰুৱা পৰ্দাত আৰু 2500 খন বহিঃৰাজ্যত মুক্তি দিয়া হৈছিল । এতিয়া সমগ্ৰ বিশ্বতে পাঠানৰ উন্মাদনা দেখি সকলোৱে বলীউডৰ ভাগ্যৰ দুৱাৰ মুকলি হৈছে বুলি আশা প্ৰকাশ কৰিছে ৷ এই ছবিখন চোৱাৰ হাবিয়াস পাকিস্তানতো স্পষ্টকৈ দেখা গৈছে । জানি আচৰিত হ’ব যে এই ছবিখন পাকিস্তানত গোপনে আৰু অবৈধভাৱে চলাই থকা হৈছে ।
- " class="align-text-top noRightClick twitterSection" data="
">
পাকিস্তানত পাঠানৰ টিকটৰ দাম
ডনত প্ৰকাশিত এক প্ৰতিবেদন অনুসৰি ফেচবুকত এটা বিজ্ঞাপন ক্ৰমান্বয়ে ভাইৰেল হৈ পৰিছে, য’ত কোৱা হৈছে যে পাঠানৰ স্ক্ৰীণিং কৰাচীত কৰা হৈছে । ইয়াত ছবিখন দেখুৱাবলৈ 900 টকাত টিকট বিক্ৰী কৰা হৈছে । এই বিজ্ঞাপনত কোৱা হৈছে যে পাঠানক পুনৰ প্ৰতিৰক্ষা গৃহ নিৰ্মাণ কৰ্তৃপক্ষত দেখুওৱা হ’ব । প্ৰতিবেদন অনুসৰি, পাকিস্তানত পাঠান দেখুওৱাৰ দায়িত্ব গ্ৰহণ কৰা কোম্পানীটো হৈছে ব্ৰিটেইনৰ ফেয়াৰৱৰ্ক ইভেণ্টছ ।
- " class="align-text-top noRightClick twitterSection" data="
">
পাঠানৰ সকলোবোৰ পাকিস্তানত বিক্ৰী হৈছে ৷ বিজ্ঞাপনটোত এইটোও কোৱা হৈছে যে পাঠানৰ সকলো টিকট মিনিটৰ ভিতৰতে বিক্ৰী হৈ গৈছে ৷ এতিয়া দুটা অতিৰিক্ত শ্ব’ সংযোগ কৰা হৈছে । দেওবাৰে এই শ্ব’ প্ৰদৰ্শিত হ’ব ।
এতিয়া যেতিয়া পাঠান গোপনে দেখুওৱাৰ খবৰটো জুইৰ দৰে বিয়পি পৰিল, তেতিয়া পাকিস্তানৰ জনসাধাৰণে হুলস্থুলৰ সৃষ্টি কৰিছে । খবৰ অনুসৰি বহু পাকিস্তানী জনসাধাৰণে প্ৰশ্ন উত্থাপন কৰিছে যে যেতিয়া তেওঁলোকৰ দেশত ভাৰতীয় ছবি নিষিদ্ধ, তেনেহ’লে কিয় পাঠান দেখুওৱা হৈছে ! পাকিস্তানত পাঠান সন্দৰ্ভত ছ’চিয়েল মিডিয়াত যুদ্ধ আৰম্ভ হৈছে ।
এই পোষ্টটো হুলস্থুলৰ পিছত ফেচবুকৰ পৰা ডিলিট কৰা হৈছে । তাৎপৰ্যপূৰ্ণভাৱে 2019 চনত পাকিস্তানৰ ফিল্ম এক্সহিবিটাৰ কমিউনিটিয়ে পাকিস্তানত ভাৰতীয় ছবি নিষিদ্ধ কৰাৰ সিদ্ধান্ত লৈছিল ।
লগতে পঢ়ক : দিল্লী উচ্চ ন্যায়ালয়ে Faraaz ছবিখনৰ মুক্তি স্থগিত ৰাখিবলৈ অস্বীকাৰ কৰিছে
