চিটাৰা ডেস্ক, 16 জুন : শীঘ্ৰেই মাতৃ হোৱাৰ সুখ লাভ কৰিব বলীউড অভিনেত্ৰী সোনম কাপুৰে ৷ বৰ্তমান সোনমে তেওঁৰ গৰ্ভধাৰণৰ সময়খিনি মুকলিকৈ উপভোগ কৰিছে । সোনমে বন্ধুবৰ্গৰ সৈতে মিলি সুন্দৰকৈ উদযাপন কৰিলে বেবী শ্বাৱাৰ (Sonam kapoor baby shower) ৷ নিজৰ ইনষ্টা ষ্টোৰীত সোনমে শ্বেয়াৰ কৰিছে বেবী শ্বাৱাৰৰ ফটোসমূহ ৷
সোনম কাপুৰে বেবী শ্বাৱাৰৰ দিনা গুলপীয়া ৰঙৰ পোছাক পিন্ধিছিল । এই অনুষ্ঠানত অভিনেত্ৰীগৰাকীৰ কেৱল বিশেষ বন্ধুসকল হে উপস্থিত আছিল । স্বামী আনন্দ আহুজাৰ সৈতে প্ৰথমটি সন্তানক আদৰণি জনাবলৈ সাজু হোৱা সোনম কাপুৰে লণ্ডনত তেওঁৰ বেবী শ্বাৱাৰ উদযাপন কৰে ৷
সোনম কাপুৰ ২০১৮ চনত ব্যৱসায়ী আনন্দ আহুজাৰ সৈতে বিবাহ পাশত আৱদ্ধ হৈছিল (Sonam kapoor family) । বিবাহৰ চতুৰ্থ বছৰত তেওঁলোক প্ৰথম সন্তানক আদৰিবলৈ সাজু হৈছে ।
লগত পঢ়ক: স্তন কৰ্কট ৰোগৰ অস্ত্ৰোপচাৰ কৰা এমাহৰ পিছত এইগৰাকী অভিনেত্ৰীৰ গ্লেমাৰাছ লুক
