চিটাৰা ডেস্ক, ৩০ আগষ্ট: বিকি কৌশল আৰু মনুষী চিল্লাৰৰ অভিনীত ছবি ‘দ্য গ্ৰেট ইণ্ডিয়ান ফেমিলি’ অতি সোনকালেই ছবিগৃহত মুক্তি লাভ কৰিব ৷ বিকি কৌশলক শেষবাৰৰ বাবে দেখা গৈছিল জাৰা হাটকে জাৰা বাচকে ছবিখনত ৷ এই ছবিখনত বিকি কৌশলক ছাৰা আলী খানৰ লগত অভিনয় কৰা দেখা গৈছিল ৷ এই ছবিখনে বক্স অফিচত ভাল ফলাফল দেখুৱাইছিল আৰু এতিয়া তেওঁৰ আগন্তুক ছবি ‘দ্য গ্ৰেট ইণ্ডিয়ান ফেমিলি’ৰ জৰিয়তে বক্স অফিচত ভাল ফলাফল দেখুৱাব বুলি কোৱা হৈছে ৷ ৩০ আগষ্টত অৰ্থাৎ আজি মুক্তি লাভ কৰিলে ছবিখনৰ প্ৰথমটো গীত ৷ গীতটিৰ নাম হৈছে 'কানহাইয়া টুইটাৰ পে আজা গীত'।
কমেডী-নাট্য ছবি ‘দ্য গ্ৰেট ইণ্ডিয়ান ফেমিলি’ৰ ‘কানহাইয়া টুইটাৰ পে আজা’ গীতটিত কণ্ঠদান কৰিছে গায়ক নাকাশ আজিজে । গীতটিৰ কথা লিখিছে অমিতাভ ভট্টাচাৰ্যই ৷ আনহাতে প্ৰীতমে ৰচনা কৰিছে গীতৰ সংগীত । গীতটিত ভজন কুমাৰৰ চৰিত্ৰত দেখা গৈছে বিকি কৌশলক । বিকি কৌশলে কানহাইয়াৰ লুকত বিটত নৃত্য প্ৰদৰ্শন কৰিছে । বিকি কৌশলৰ বিষয়ে কোৱা হয় যে তেওঁ বলীউডত বিভিন্ন ধৰণৰ চৰিত্ৰত অভিনয় কৰিব পাৰে ৷
- " class="align-text-top noRightClick twitterSection" data="">
কেতিয়া মুক্তি পাব ছবিখন ?
উল্লেখ্য যে, যশ ৰাজ বেনাৰত নিৰ্মিত ‘দ্য গ্ৰেট ইণ্ডিয়ান ফেমিলি’ ছবিখনৰ পৰিচালনা কৰিছে কৃষ্ণ আচাৰ্যই । মিছ ৱৰ্ল্ড ২০১৭ মনুষী চিল্লাৰক এই ছবিখনত বিকি কৌশলৰ বিপৰীতে দেখা যাব। এইখন মনুষীৰ দ্বিতীয়খন বলীউড ছবি হ’ব । ইয়াৰ পূৰ্বেও যশ ৰাজৰ বেনাৰত নিৰ্মিত সম্ৰাট পৃথ্ভাৰজ ছবিখনত অক্ষয় কুমাৰৰ সৈতে দেখা গৈছিল মনুষীক ৷ ‘দ্য গ্ৰেট ইণ্ডিয়ান ফেমিলি’ ছবিখনৰ ১৪ ছেপ্টেম্বৰত ছবিগৃহত মুক্তি পাব। এতিয়া ছবিখনে দৰ্শকৰ পৰা কেনে সঁহাৰি লাভ কৰে সেয়া হ’ব লক্ষণীয় বিষয় ৷
