চিটাৰা ডেস্ক, 3 নৱেম্বৰ: বৰ্তমান চৰ্চাত বলীউডৰ কুইন কংগনা ৰনৌত । শেহতীয়াকৈ অভিনেত্ৰীগৰাকীৰ ছবি ‘তেজস’ ছবিগৃহত মুক্তি পাইছিল । কিন্তু ছবিখনৰ সৈতে বেক টু বেক 5 খন ছবি বক্স অফিচত ফ্লপ বুলি প্ৰমাণিত হয় কংগনাৰ । আনকি এই ছবিখনে ব্যয় কৰা ধন পূৰণ কৰাতো ব্যৰ্থ হৈছে । ইতিমধ্যে বহু থিয়েটাৰৰ পৰা তেজসক আঁতৰাই দিয়া হৈছে । এতিয়া ছবিখন ফ্লপ হোৱাৰ পিচত শ্ৰীকৃষ্ণৰ দৰ্শন কৰিবলৈ দ্বাৰকাধীশ মন্দিৰলৈ গৈছে কংগনা । দ্বাৰকাধীশৰ পৰা অভিনেত্ৰীগৰাকীয়ে বহু ফটো আৰু ভিডিঅ’ শ্বেয়াৰ কৰিছে । কিন্তু বিপদে যেন লগ নেৰা হৈছে কংগনাক ৷ কংগনাৰ ইমানেই বেয়া সময় চলি আছে যে আনকি ফটো আৰু ভিডিঅ’ পোষ্ট কৰাক লৈও এতিয়া একাংশই ছ’চিয়েল মিডিয়াত ট্ৰ’ল কৰা পৰিলক্ষিত হৈছে ।
কংগনাই নিজৰ এটা ৰিল শ্বেয়াৰ কৰিছে । য’ত অভিনেত্ৰীগৰাকীক নাৱত বহি থকা দেখা গৈছে । ইয়াৰ উপৰিও কংগনাই কিছু ফটো শ্বেয়াৰ কৰিছিল । ফটোবোৰ শ্বেয়াৰ কৰি কংগনাই লিখিছে - কিছুদিন ধৰি মোৰ হৃদয়খন বৰ বিচলিত হৈ আছিল, দ্বাৰকাধীশ ভ্ৰমণ কৰিবলৈ মন গৈছিল, শ্ৰীকৃষ্ণৰ এই ঐশ্বৰিক নগৰ দ্বাৰকালৈ অহাৰ লগে লগে মাত্ৰ ইয়াত থকা ধূলি দেখিয়েই যেন লাগিছিল মোৰ সকলো চিন্তা নোহোৱা হৈ গ’ল । মনটো আকৌ স্থিৰ হৈ পৰিল আৰু অসীম আনন্দ অনুভৱ কৰিলোঁ । হে দ্বাৰকাৰ প্ৰভু আপোনাৰ আশীৰ্বাদ এনেদৰেই মোৰ ওপৰত বনাই ৰাখিব । হৰে কৃষ্ণ ।
ছ’চিয়েল মিডিয়াত ট্ৰ’ল হ’ল কংগনা
ছ’চিয়েল মিডিয়াত কৰা পোষ্টৰ বাবে এতিয়া ব্যাপকভাৱে ট্ৰ’ল হৈছে কংগনা । এজন ব্যৱহাৰকাৰীয়ে লিখিছে – এতিয়াৰে পৰা কেৱল মাত্ৰ ৰিলেই বনাওক । চিনেমা বনোৱাটো আপোনাৰ যোগ্যৰ কথা । আন এগৰাকীয়ে লিখিছে – তেওঁক এনেকৈ দেখি মোৰ বেয়া লাগে । তেওঁ ডিপ্ৰেছনত গৈ আছে, স্পষ্টকৈ দেখা গৈছে । এজনে লিখিছে – যদি চিনেমাখন ফ্লপ হয় তেন্তে মনটো নিশ্চয় অস্থিৰ হৈ পৰিব ।
কংগনাৰ লুকৰ কথা ক’বলৈ পৰিধান কৰিছিল হালধীয়া ৰঙৰ শাৰী । ইয়াৰ লগতে অভিনেত্ৰীগৰাকীয়ে কপালত এটা ডাঙৰ বিন্দি লগাইছিল ।
লগতে পঢ়ক: Tejas Shows Cancelled: ৫০ শতাংশ শ্ব’ বাতিল কংগনা ৰনৌতৰ তেজসৰ
