চিটাৰা ডেস্ক, 13 নৱেম্বৰ : দেওবাৰে গোটেই দেশজুৰি উদযাপন কৰা হৈছে পোহৰৰ উৎসৱ দেৱালী ৷ সকলোৱে নিজৰ দীপাৱলী উদযাপনৰ ফটো তথা ভিডিঅ’ ছ’চিয়েল মিডিয়াত শ্বেয়াৰ কৰিছে । এই ক্ষেত্ৰত পিচ পৰি থকা নাই বলীউডৰ চেলিব্ৰিটিও । বহু তাৰকাই ইনষ্টাগ্ৰামত পোহৰৰ উৎসৱ উদযাপনৰ ছবি শ্বেয়াৰ কৰিছে । ইফালে, ‘তেজস’ৰ ফ্লপ হোৱাৰ পিচত বলীউডৰ কুইন কংগনা ৰনৌতেও দীপাৱলী উদযাপনৰ ভিডিঅ’ শ্বেয়াৰ কৰিছে ।
'তেজস' ফ্লপৰ পিচত কেনেকৈ দীপাৱলী উদযাপন কৰিলে কংগনা ৰনৌতে ?
শেহতীয়াকৈ মুক্তি পোৱা কংগনাৰ ছবি ‘তেজস’ বক্স অফিচত বিগ ফ্লপ ৰূপে পৰিগণিত হৈছে । অৱশ্যে ছবি ফ্লপ হ’লেও পোহৰৰ উৎসৱ দীপাৱলী অতি আড়ম্বৰেৰে উদযাপন কৰিছে অভিনেত্ৰীগৰাকীয়ে, ইয়াৰ কিছু ফটো আৰু ভিডিঅ’ও শ্বেয়াৰ কৰিছে ছ’চিয়েল মিডিয়াত ।
আচলতে কংগনাই এক্স (পূৰ্বতে টুইটাৰ নামেৰে জনাজাত) একাউন্টত এটা বিশেষ দীপাৱলী ভিডিঅ’ শ্বেয়াৰ কৰিছে । ভিডিঅ’টোত কংগনাক বগা আৰু গোলাপী ৰঙৰ লেহেংগাৰ সৈতে প্লাংগিং নেকলাইন থকা ব্লাউজ পৰিধান কৰিছিল । এই সাজৰ লগত চকাৰ চেট, মেচিং কাণফুলি, মাং টিকাৰে নিজৰ লুকটো সম্পূৰ্ণ কৰিছিল । ভিডিঅ’টোত কংগনাক আনন্দ মনেৰে নাচি থকা দেখা গৈছে ।
-
Happy Diwali everyone 🪔✨#HappyDeepavali pic.twitter.com/tKr7ugGmWD
— Kangana Ranaut (@KanganaTeam) November 12, 2023 " class="align-text-top noRightClick twitterSection" data="
">Happy Diwali everyone 🪔✨#HappyDeepavali pic.twitter.com/tKr7ugGmWD
— Kangana Ranaut (@KanganaTeam) November 12, 2023Happy Diwali everyone 🪔✨#HappyDeepavali pic.twitter.com/tKr7ugGmWD
— Kangana Ranaut (@KanganaTeam) November 12, 2023
কংগনাই ইনষ্টাগ্ৰামতো পৰিয়ালৰ সৈতে দীপাৱলী উদযাপনৰ ভিডিঅ’ শ্বেয়াৰ কৰিছে
কংগনাই নিজৰ ইনষ্টাগ্ৰামতো একেধৰণৰ ভিডিঅ’ পোষ্ট কৰিছিল । কেপচনত অভিনেত্ৰীগৰাকীয়ে লিখিছে, "দীপাৱলী সদায় বিশৃংখল, ব্যস্ত, ৰোমাঞ্চকৰ, ইয়াত সকলো আছে যিটো মই এটা উৎসৱৰ পৰা বিচাৰো... আচলতে মোৰ এইটো প্ৰিয় উৎসৱ... পোহৰৰ উৎসৱ, আমাৰ দীপাৱলীৰ কিছু আভাস।" ক্লিপটোত কংগনাই নিজৰ ভগ্নী, ভতিজাকে ধৰি পৰিয়ালৰ অন্যান্য সদস্যৰ সৈতে সুখৰ মুহূৰ্ত কটোৱা দেখা গৈছে ।
