চিটাৰা ডেস্ক, 29 অক্টোবৰ : 54 বছৰ বয়সত মৃত্যুক সাবটি ল’লে হলিউডৰ অভিনেতা মেথিউ পেৰীয়ে । ‘ফ্ৰেণ্ডছ’ ছিৰিজত চেণ্ডলাৰ বিঙৰ চৰিত্ৰত অভিনয় কৰি গোটেই বিশ্বজুৰি জনপ্ৰিয় হৈ পৰিছিল মেথিউ । মেথিউৰ এই আকস্মিক মৃত্যুৱে হলিউড উদ্যোগৰ লগতে বলীউড উদ্যোগকো হতচকিত কৰিছে । কাৰণ ‘ফ্ৰেণ্ডছ’ ধাৰাবাহিকখন সমগ্ৰ বিশ্বতে অতি জনপ্ৰিয় আছিল আৰু এতিয়াও দৰ্শকে ধাৰাবাহিকখন উপভোগ কৰে ।
মেথিউৰ মৃত্যু কেনেকৈ হৈছে ?
টিএমজেড (থাৰ্টি মাইল জ’ন)ৰ মতে, শনিবাৰে লছ এঞ্জেলছতস্থিত এটা এপাৰ্টমেণ্টত পেৰীক মৃত অৱস্থাত উদ্ধাৰ কৰা হয় । বাথটাবত উদ্ধাৰ হৈছিল অভিনেতাগৰাকীৰ মৃত্যুদেহ । অৱশ্যে এয়া স্বাভাবিক মৃত্যু নে আত্মহত্যা সেয়া জানিব পৰা হোৱা নাই ৷ কাৰণ ঘটনাস্থলীৰ পৰা কোনো চুইচাইড নোট অথবা কোনো ধৰণৰ ঔষধ পোৱা নাছিল আৰক্ষীয়ে ।
ইফালে ডুব যোৱাৰ বাবেই পেৰীৰ মৃত্যু হৈছে বুলি ধাৰণা কৰা হৈছে । এই ঘটনাৰ সন্দৰ্ভত লছ এঞ্জেলছৰ আৰক্ষী বিভাগে জনাই যে 50 বছৰীয়া এজন পুৰুষৰ মৃত্যুৰ সন্দৰ্ভত আৰক্ষীক ফোন কৰা হৈছিল ৷ ফোন লাভ কৰাৰ পাচতে পেৰীৰ বাসগৃহত উপস্থিত হয় আৰক্ষীৰ এটা দল । অৱশ্যে আৰক্ষীয়ে মৃত লোকজনৰ পৰিচয় নিশ্চিত কৰা নাই ।
শ্ৰীদেৱীৰ মৃত্যুৰ লগত কি সংযোগ আছে মেথিউৰ মৃত্যুৰ ?
সংবাদ মাধ্যমৰ খবৰ অনুসৰি ডুব যোৱাৰ বাবেই মেথিউৰ মৃত্যু হৈছিল । এইখিনিতে উল্লেখ কৰিব লাগিব যে বলীউডৰ লেডী ছুপাৰষ্টাৰ অভিনেত্ৰী শ্ৰী দেৱীৰ ডুবাইত 2028 চনৰ 24 ফেব্ৰুৱাৰীত মৃত্যু হৈছিল । য’ত অভিনেত্ৰীগৰাকীয়ে আত্মীয়ৰ বিয়ালৈ গৈছিল । কিন্তু তাতেই অঘটনা ঘটে ৷ হোটেলৰ বাথটাবৰ পৰা উদ্ধাৰ কৰা হয় অভিনেত্ৰীগৰাকীৰ মৃতদেহ ৷ এতিয়া প্ৰশ্ন হয় মেথিউ আৰু শ্ৰীদেৱীৰ মৃত্যুত কি সংযোগ আছে ৷
দৰাচলতে দুয়োৰে মৃত্যুত সংযোগ আছে ৷ কাৰণ মেথিউ আৰু শ্ৰীদেৱীৰ মৃত্যু একে বয়সতে হৈছে অৰ্থাৎ 54 বছৰত হৈছে আৰু দুয়োৰে মৃত্যু একে ধৰণেই হৈছে অৰ্থাৎ বাথটাবত । অৱশ্যে শেহতীয়াকৈ শ্ৰীদেৱীৰ স্বামী বনী কাপুৰে কয় যে কেৱল বাথটাবেই শ্ৰীদেৱীৰ মৃত্যুৰ কাৰণ নাছিল । শ্ৰীদেৱীৰ মৃত্যুৰ কাৰণসমূহৰ ভিতৰত অন্যতম কাৰণ আছিল তেওঁ কঠোৰ খাদ্যাভ্যাস ।
লগতে পঢ়ক: Matthew Parry passes away: এমি বঁটাৰ বাবে মনোনীত ফ্ৰেণ্ডছৰ তাৰকা মেথিউ পেৰী ৰহস্যজনক মৃত্যু
