চিটাৰা ডেস্ক, 28 মাৰ্চ: অহা ৩০ মাৰ্চত ছবিগৃহত মুক্তি লাভ কৰিব বলীউডৰ সিংঘম অজয় দেৱগণৰ অভিনীত ছবি ‘ভোলা’। এই ছবিখনৰ লগতে অভিনেতাগৰাকীয়ে নিজৰ অনুৰাগীৰ বাবে লৈ আহিছে আন এখন ডাঙৰ খবৰ ৷ আহি আছে অজয় দেৱগণৰ নতুন ছবি ‘মৈদান’ (Maidaan Teaser) ৷ ৩০ মাৰ্চত অজয় দেৱগণৰ ছবি ভোলা ছবিগৃহত মুক্তি পোৱাৰ লগতে আগন্তুক ছবি ‘মৈদান’ৰ টিজাৰো সেই একেদিনাই মুকলি কৰিব (Bholaa in theatre on 3th March) ৷
জানিব পৰা মতে চলিত বৰ্ষৰ ২৩ জুনত মুক্তি লাভ কৰিব এই ছবিখন । অজয় দেৱগণে ছ’চিয়েল মিডিয়াত এটা পোষ্টৰ জৰিয়তে নিজৰ অনুৰাগীৰ সৈতে শ্বেয়াৰ কৰিছে এই ভাল খবৰটো (Ajay Devgan movie) ৷ ‘মৈদান’ ছবিখন নিৰ্মিত হৈছে ক্ৰীড়া নাটকৰ আধাৰত, য’ত অজয় দেৱগণক ফুটবল প্ৰশিক্ষকৰ চৰিত্ৰত দেখা পাব দৰ্শকে । এনে পৰিস্থিতিত অজয় দেৱগণে অনুৰাগীৰ সৈতে দুগুণ ধমাল কৰিব বুলি আশা কৰা হৈছে ।
- " class="align-text-top noRightClick twitterSection" data="
">
জানি লওক মৈদান ছবিখনৰ বিষয়ে কিছু কথা
অজয় দেৱগণ, দক্ষিণৰ অভিনেত্ৰী প্ৰিয়মণি, গজৰাজ ৰাও আৰু দক্ষিণৰ অভিনেত্ৰী কীৰ্তি সুৰেশৰ অভিনীত ছবি মৈদানৰ প্ৰযোজনা কৰিছে বলীউডৰ জনপ্ৰিয় চলচ্চিত্ৰ নিৰ্মাতা বনী কাপুৰে । আনহাতে ছবিখনৰ পৰিচালনা কৰিছে অমিত শৰ্মাই । ছবিখনত দৰ্শককে এ আৰ ৰহমানৰ কণ্ঠত শুনা পাব সংগীত । অৱশ্যে এই ছবিখনৰ মুক্তিৰ তাৰিখ বহুবাৰ সলনি কৰা হৈছে যদিও অৱশেষত চলিত বৰ্ষৰ ২৩ জুনত ছবিগৃহত মুক্তি পাব এই ছবিখন ৷
ভোলা ছবিখনৰ বিষয়ে জানি লওক কিছু নজনা কথা
একে সময়তে ৩০ মাৰ্চত ছবিগৃহত মুক্তি পাবলগীয়া অজয় দেৱগণৰ ছবি ‘ভোলা’ত দেখা পোৱা যাব টাবু, আমলা পল আৰু কমেডী অভিনেতা দীপক ডোব্ৰিয়ালক (Ajay Devgn upcoming movie) । ‘ভোলা’ ছবিখন নিজেই পৰিচালনা কৰিছে অজয় দেৱগণে । ভোলা ছবিখন হৈছে তামিল ছবি ‘কাইদী’ৰ হিন্দী ৰিমেক । তামিল অভিনেতা কাৰ্থীৰ অভিনীত ছবি ‘কাইদী’ পৰিচালনা কৰিছিল যুৱ পৰিচালক লোকেশ কানাগৰাজে । এই একচন-থ্ৰিলাৰ ছবিখন বক্স অফিচত হিট বুলি প্ৰমাণিত হৈছিল । এতিয়া তামিল ছবিৰ হিন্দী ৰিমেক ‘ভোলা’ই দৰ্শকৰ পৰা কেনেদৰে সঁহাৰি লাভ কৰে, সেয়া জানিব পৰা যাব ৩০ মাৰ্চত ।
লগতে পঢ়ক: Priyanka Chopra: বলীউড ত্যাগ কৰাৰ কাৰণ ক’লে প্ৰিয়ংকাই, ইয়াৰ পিচতে কৰণ জোহৰক টাৰ্গেট কংগনাৰ
