জাতি প্ৰেমৰ চূড়ান্ত নিৰ্দশন বান্দৰৰ জাকৰ !

মঙলবাৰে তেজপুৰৰ চান্দমাৰীত বাইকৰ খুণ্ডাত এটা বান্দৰৰ মৃত্যু হোৱাৰ পাছতে অৰ্ধ শতাধিক বান্দৰে ঘটনাস্থলীত উপস্থিত হৈ মৃত বান্দৰটোক আগুৰি ধৰি জাতি প্ৰেমৰ উদাহৰণ দাঙি ধৰে ৷ ঘটনাস্থলীত উপস্থিত ৰাইজে মৃত বান্দৰটোক আগুৰি ৰখা বান্দৰজাকক খেদিবৰ বাবে আতচবাজী ফুটাইও ব্যৰ্থ হয় ৷

তেজপুৰ, 17 ছেপ্তেম্বৰ : বৰ্তমান সমাজত মানৱতা ভুলুন্ঠিত হোৱাৰ সময়তে তেজপুৰত বান্দৰৰ এটা জাকে প্ৰদৰ্শন কৰিলে প্ৰেমৰ চূড়ান্ত নিদৰ্শন ৷ মঙলবাৰে তেজপুৰৰ চান্দমাৰীত বাইকৰ খুণ্ডাত এটা বান্দৰৰ মৃত্যু হোৱাৰ পাছতে অৰ্ধ শতাধিক বান্দৰে ঘটনাস্থলীত উপস্থিত হৈ মৃত বান্দৰটোক আগুৰি ধৰি জাতি প্ৰেমৰ উদাহৰণ দাঙি ধৰে ৷ ঘটনাস্থলীত উপস্থিত ৰাইজে মৃত বান্দৰটোক আগুৰি ৰখা বান্দৰজাকক খেদিবৰ বাবে আতচবাজী ফুটাইও ব্যৰ্থ হয় ৷

অৱশেষত ঘটনাস্থলীত অবৈতনিক ওৱাইল্ড লাইফ ৱাৰ্ডেন সৌৰভ বৰকটকী উপস্থিত হৈ মৃত বান্দৰটো উদ্ধাৰ কৰাৰ পাছতহে বান্দৰৰ জাকটোৱে ঘটনাস্থলী ত্যাগ কৰে ৷