তেজপুৰ, ২২ ডিচেম্বৰ : অৰুণাচল প্ৰদেশৰ ৰাজ্যপাল ব্ৰিগেডিয়াৰ (ডঃ) বি ডি মিশ্ৰ (অৱসৰপ্ৰাপ্ত) আৰু প্ৰথম মহিলা নীলিমা মিশ্ৰই আজি অৰুণাচল প্ৰদেশৰ ইটানগৰ পৌৰ নিগমৰ নিৰ্বাচনৰ ভোট দান কৰে ।
ৰাজ্যপাল মিশ্ৰ আৰু তেওঁৰ পত্নীয়ে আজি ইটানগৰৰ পি চেক্টৰৰ চৰকাৰী হাইস্কুলত পৌৰ নিগমৰ ভোট প্ৰদান কৰে । আনহাতে অৰুণাচল প্ৰদেশৰ দুখন স্মাৰ্ট চিটি ৰাজধানী ইটানগৰ আৰু পূব চিয়াং জিলাৰ পাছিঘাটত নিৰ্বাচন সুকলমে অনুষ্ঠিত হৈছে ।
ৰাজ্যিক নিৰ্বাচনী আয়ুক্তৰ তথ্য অনুসৰি 242 জিলা পৰিষদ সদস্যৰ ভিতৰত 142 খনত নিৰ্বাচন অনুষ্ঠিত হৈছে আৰু ইয়াৰ ভিতৰতে 98 খনত প্ৰাৰ্থী বিনা প্ৰতিদ্বন্দিতাৰে নিৰ্বাচিত হৈছে । মুঠ 6,266 জন গাঁও পঞ্চায়তৰ সদস্য প্ৰাৰ্থীক বিনা প্ৰতিদ্বন্দ্বিতাৰে বিজয়ী ঘোষণা কৰা হৈছে বুলি জনাইছে ৰাজ্যিক নিৰ্বাচনী আয়ুক্ত নাইলি ইটেয়ে ।
ইয়াৰ ভিতৰত অধিকাংশ বিজেপি দলৰ নেতাই জয় লাভ কৰিছে । উল্লেখযোগ্য যে বিজয় নগৰ আৰু চাংলাং জিলাৰ জিলা পৰিষদৰ লগতে 40 টা গাঁও পঞ্চায়তৰ ভোট গ্ৰহণ হিংসাত্মক কাৰ্যৰ বাবে বন্ধ ৰখা হৈছে । আনহাতে 8,175 গাঁও পঞ্চায়তৰ ভিতৰতে 1,670 ৰ হে নিৰ্বাচন আজি অনুষ্ঠিত হৈছে কাৰণ 6,168 প্ৰাৰ্থী বিনা প্ৰতিদ্বন্দ্বিতাৰে নিৰ্বাচিত হৈছে । ডিবাং ভেলি জিলাত 4 খন জিলা পৰিষদৰ আৰু 71 টা গাঁও পঞ্চায়ত বিনা প্ৰতিদ্বন্দ্বিতাৰে প্ৰাৰ্থীয়ে বিজয় সাব্যস্ত কৰিছে বুলি জানিবলৈ দিয়ে ৰাজ্যিক নিৰ্বাচনী আয়ুক্তই ৷
লগতে পঢ়ক : সংখ্যাগৰিষ্ঠ দলে প্ৰথমে সুযোগ পাব বিটিএডিত চৰকাৰ গঠনৰ: ন্যায়ালয়
