ৰঙাপাৰা, 20 জুলাই : চুবুৰীয়া ৰাজ্য অৰুণাচল প্ৰদেশ আৰু বিগত কিছুদিন ধৰি ৰাজ্যত থকা মুষলধাৰ বৰষুণৰ ফলত বালিপাৰাৰ কাষেৰে বৈ যোৱা জৰাসৰ নৈখনে সম্প্ৰতি ফেনে ফোটোকাৰে বাঢ়ি কালৰূপ ধাৰণ কৰিছে ৷ দীঘলীগাঁৱ অঞ্চলত নৈখনে ব্যাপক খহনীয়াৰ সৃষ্টি কৰিছে ৷ নৈখনৰ পাৰত থকা মথাউৰিটোৰ কিছু অংশ ইতিমধ্যে বাঢ়নি পানীত জাহ গৈছে ৷ প্ৰত্যেক বছৰে মাথাউৰিটো বাঢ়নি পানীয়ে চপৰা চপৰে খহাই নিয়াত নৈপৰীয়া ৰাইজ বাৰুকৈ আতংকিত হৈ পৰিছে ৷ উল্লেখযোগ্য যে মথাউৰিটো সুৰক্ষাৰ বাবে কেইবালাখ টকা ব্যয় কৰি এটা বান্ধৰ নিৰ্মাণ কৰা হৈছিল কিন্ত অপৰিকল্পিত বা ঠিকাদাৰৰ চৰম গাফিলতিৰ বাবেই বান্ধটো সঠিক ভাবে নিৰ্মাণ কৰা ন'হল ৷ আনকি তিনি কোটি টকা ব্যয়েৰে নৈখনৰ পাৰত ’জিঅ’ বেগৰ বান্ধ নিৰ্মাণ কৰা হৈছিল কিন্তু নিৰ্মাণৰ সময়ত কাষতে থকা মাটিখিনি খন্দাৰ বাবেই বৰ্তমান মথাউৰিটোত সৃষ্টি হৈছে খহনীয়াৰ ৷ অনাগত দিনত জৰাসৰ নৈৰ বাঢ়নি পানীয়ে মথাউৰিটো ভাঙি পেলালে দীঘলীগাঁও,বামগাঁও চাহ বাগিচা,নৈখনাৰ কাষৰ পথাৰৰ মাজত থকা উচ্চ ক্ষমতা সম্পন্ন বৈদ্যুতিক খুটাটোৰ লগতে ১৫নং ৰাষ্ট্ৰীয় ঘাইপথৰ ব্যাপক ক্ষতিসাধন কৰিব ৷ ৰাজ্য চৰকাৰৰ জলসম্পদ বিভাগক পুনৰ সঠিক ৰূপত এটা বান্ধ নিৰ্মাণ কৰিবলৈ দাবী জনাইছে ৰাইজে ৷
যিকোনো মূহুৰ্তত জাহ যাব পাৰে জৰাসৰ নৈৰ মাথাউৰি
ফেনে ফোটোকাৰে বাঢ়ি অহা জৰাসৰ নৈয়ে ভাবুকি আনিছে ৰঙাপৰা সমষ্টিৰ দীঘলীগাঁও,বামগাঁও চাহ বাগিচাৰ লগতে উচ্চ ক্ষমতা সম্পন্ন বৈদ্যুতিক খুটালৈ ৷ মাথাউৰি ভাঙিলে জাহ যাব ১৫নং ৰাষ্ট্ৰীয় ঘাইপথ ৷
ৰঙাপাৰা, 20 জুলাই : চুবুৰীয়া ৰাজ্য অৰুণাচল প্ৰদেশ আৰু বিগত কিছুদিন ধৰি ৰাজ্যত থকা মুষলধাৰ বৰষুণৰ ফলত বালিপাৰাৰ কাষেৰে বৈ যোৱা জৰাসৰ নৈখনে সম্প্ৰতি ফেনে ফোটোকাৰে বাঢ়ি কালৰূপ ধাৰণ কৰিছে ৷ দীঘলীগাঁৱ অঞ্চলত নৈখনে ব্যাপক খহনীয়াৰ সৃষ্টি কৰিছে ৷ নৈখনৰ পাৰত থকা মথাউৰিটোৰ কিছু অংশ ইতিমধ্যে বাঢ়নি পানীত জাহ গৈছে ৷ প্ৰত্যেক বছৰে মাথাউৰিটো বাঢ়নি পানীয়ে চপৰা চপৰে খহাই নিয়াত নৈপৰীয়া ৰাইজ বাৰুকৈ আতংকিত হৈ পৰিছে ৷ উল্লেখযোগ্য যে মথাউৰিটো সুৰক্ষাৰ বাবে কেইবালাখ টকা ব্যয় কৰি এটা বান্ধৰ নিৰ্মাণ কৰা হৈছিল কিন্ত অপৰিকল্পিত বা ঠিকাদাৰৰ চৰম গাফিলতিৰ বাবেই বান্ধটো সঠিক ভাবে নিৰ্মাণ কৰা ন'হল ৷ আনকি তিনি কোটি টকা ব্যয়েৰে নৈখনৰ পাৰত ’জিঅ’ বেগৰ বান্ধ নিৰ্মাণ কৰা হৈছিল কিন্তু নিৰ্মাণৰ সময়ত কাষতে থকা মাটিখিনি খন্দাৰ বাবেই বৰ্তমান মথাউৰিটোত সৃষ্টি হৈছে খহনীয়াৰ ৷ অনাগত দিনত জৰাসৰ নৈৰ বাঢ়নি পানীয়ে মথাউৰিটো ভাঙি পেলালে দীঘলীগাঁও,বামগাঁও চাহ বাগিচা,নৈখনাৰ কাষৰ পথাৰৰ মাজত থকা উচ্চ ক্ষমতা সম্পন্ন বৈদ্যুতিক খুটাটোৰ লগতে ১৫নং ৰাষ্ট্ৰীয় ঘাইপথৰ ব্যাপক ক্ষতিসাধন কৰিব ৷ ৰাজ্য চৰকাৰৰ জলসম্পদ বিভাগক পুনৰ সঠিক ৰূপত এটা বান্ধ নিৰ্মাণ কৰিবলৈ দাবী জনাইছে ৰাইজে ৷
