তেজপুৰ, 6 নৱেম্বৰ: অসমৰ ত্ৰিমূৰ্তি জ্যোতিপ্ৰসাদ আগৰৱালা,বিষ্ণু ৰাভা আৰু ফণী শৰ্মাৰ পাচতে মঙলবাৰে সুধাকণ্ঠ ডঃ ভূপেন হাজৰিকাৰ মৃত্যুবাৰ্ষিকীত সাংস্কৃতিক অনুষ্ঠানৰ আয়োজন কৰে বান থিয়েটাৰ পৰিয়ালে ৷ সংস্কৃতিৰ কৰ্মস্থলী ঐতিহাসিক তেজপুৰৰ বান থিয়েটাৰ পৰিয়ালে দিনজোৰা কাৰ্যসূচীৰ অন্তত নিশা বৰ্ণিল সাংস্কৃতিক কাৰ্যসূচী অনুষ্ঠিত কৰে ৷
উল্লেখ্য যে,তেজপুৰৰ বান থিয়েটাৰত অসমৰ ত্ৰিমূৰ্তিয়ে অৰ্কেষ্ট্ৰাৰ আয়োজন কৰিছিল আৰু ডঃ ভূপেন হাজৰিকাৰ সাংস্কৃতিক জগতৰ ইয়াতে শিপা মেলিছিল ৷ সেয়েহে বান থিয়েটাৰত সুধাকণ্ঠৰ প্ৰতি শ্ৰদ্ধাঞ্জলি জ্ঞাপন কৰা হয় ৷ বান থিয়েটাৰৰ সম্পাদক জিতুমণি দেৱ চৌধুৰীয়ে এই সম্পৰ্কত কয় যে, মহান শিল্পীগৰাকীৰ প্ৰতি নতুন প্ৰজন্মৰ মাজত এক চেতনা জাগ্ৰত কৰা আৰু তেওঁৰ সৃষ্টিৰাজিক চিৰসেউজ কৰি ৰখাৰ প্ৰয়াসেৰে এই অনুষ্ঠানৰ আয়োজন কৰা হৈছে ৷
আনহাতে,বিশিষ্ট গীতিকাৰ,সুৰকাৰ তথা বান থিয়েটাৰৰ সভাপতি বংকিম শৰ্মাই মন্তব্য কৰে যে,নৱ প্ৰজন্মৰ মাজত ডঃ ভূপেন হাজৰিকাক জীয়াই ৰাখিবৰ বাবে বান থিয়েটাৰত প্ৰতি বছৰে নৱ প্ৰজন্মৰ বাবে এই মঞ্চ প্ৰদান কৰা হয় । অনুষ্ঠানত ভূপেন্দ্ৰ সংগীত প্ৰতিযোগিতাৰ বিচাৰক হিচাপে উপস্থিত থাকে সু-গায়িকা তথা ৰত্নাকৰ ছবিৰ কন্ঠশিল্পী গায়ত্ৰী হাজৰিকা ৷
আৰু পঢ়ক : চৰকাৰে গোপনে RCEP স্বাক্ষৰিত কৰিব বিচাৰিছিল : পি. এল.পুনিয়া
