কায়াকল্প শিতানত চতুৰ্থ স্থানত শিৱসাগৰ অসামৰিক চিকিৎসালয়

পৰিষ্কাৰ-পৰিচ্ছন্নতাৰ শিতানত অসমৰ ২৫খন জিলা অসামৰিক চিকিৎসালয়ৰ ভিতৰত শিৱসাগৰ অসামৰিক চিকিৎসালয়ে লাভ কৰিছে চতুৰ্থ স্থান

শিৱসাগৰ,১২মাৰ্চ: পৰিষ্কাৰ-পৰিচ্ছন্নতাৰ শিতানত অসমৰ ২৫খন জিলা অসামৰিক চিকিৎসালয়ৰ ভিতৰত শিৱসাগৰ অসামৰিক চিকিৎসালয়ে চতুৰ্থ স্থান লাভ কৰিবলৈ সক্ষম হৈছে । অসম চৰকাৰৰ স্বাস্থ্য বিভাগে সাত তৰপীয়া এক পৰ্যৱেক্ষণৰ ভিত্তিত এই বঁটা প্ৰদান কৰিছে ।

স্বচ্ছতা, চৌহদ সুৰক্ষা, আন্তঃগাঠনি, পৰিষ্কাৰ সজাগতা, আৱৰ্জনা নিষ্কাষণ আদি বিভিন্ন দিশত শিৱসাগৰ অসামৰিক চিকিৎসালয়ে ৮৪ শতাংশ নম্বৰ লাভ কৰি চতুৰ্থ স্থান লাভ কৰিছে । উল্লেখ্য যে এই বঁটাৰ লগত নগদ ধন লাভ কৰিব শিৱসাগৰ অসামৰিক চিকিৎসালয়ে ।