নগাঁও, 15 ছেপ্তেম্বৰ : দুৰ্নীতিৰ যেন ভূ-স্বৰ্গত পৰিণত হৈছে কোষাগাৰ কাৰ্যালয় । এইবাৰ নগাঁও আৰক্ষীৰ জালত পৰিল এগৰাকী ঘোচখোৰ মহিলা কৰ্মচাৰী । এগৰাকী আৰক্ষী কনিষ্টবলৰ পৰাই উৎকোচ বিচাৰি জালত পৰিছে মহিলা কৰ্মচাৰীগৰাকী ।
নগাঁও কোষাগাৰ প্ৰাধিকাৰীৰ কাৰ্যালয়ৰ খুচবু হাৰলালকা নামৰ কণিষ্ঠ গাণনিক সহায়কগৰাকীয়ে আৰক্ষী কনিষ্টবল এগৰাকীৰ পৰা জি পি এফৰ ধন মোকলাই দিয়াৰ নামত বিচাৰিছিল এহেজাৰ টকা ।
লগতে পঢ়কঃ মৰণত শৰণ দি মাৰ নাৱেৰে যাতায়াত ৰূপহীমুখবাসীৰ
উল্লেখযোগ্য যে, নগাঁৱত কৰ্মৰত আৰক্ষী কনিষ্টবল নবীন বৰাৰ পৰা উৎকোচ বিচাৰিছিল মহিলা কৰ্মচাৰীগৰাকীয়ে । ইপনে কনিষ্টবল নবীন বৰাই নগাঁও আৰক্ষীক বিষয়টো অৱগত কৰাত নগাঁও আৰক্ষীয়ে উৎকোচ লৈ থকা অৱস্থাত হাতে লোটে আটক কৰে গোচখোৰ কৰ্মচাৰী গৰাকীক । সম্প্ৰতি মহিলা কৰ্মচাৰী গৰাকীক জেৰা অব্যাহত ৰাখিছে নগাঁও আৰক্ষীয়ে ।
মনকৰিব লগীয়া যে, যি সময়ত ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই ৰাজ্যৰ পৰা দুৰ্নীতি নাইকিয়া কৰিবলৈ চৰকাৰী বিষয়া সকলক কঠোৰ নিৰ্দেশ প্ৰদান কৰি আহিছে ৷
সেই সময়তে নগাঁৱত এগৰাকী কোষাগাৰৰ কৰ্মচাৰীয়ে আৰক্ষী কণিষ্ঠ বলৰ পৰা উৎকোচ বিচৰা কাণ্ডটোৱে তীব্ৰ প্ৰতিক্ৰিয়াৰ সৃষ্টি কৰিছে ৷ একাংশই কব বিচাৰিছে যে, মুখ্যমন্ত্ৰীৰ নিদেশকো কেৰেপ নকৰে নেকি ৰাজ্যৰ চৰকাৰী কৰ্মচাৰীয়ে ৷
লগতে পঢ়কঃ ৰাজ্যৰ মংগল কামনাৰে সপত্নীক ঢেকীয়াখোৱা বৰনামঘৰত সেৱা ল’লে মুখ্যমন্ত্ৰীয়ে
