কলিয়াবৰত পহু হত্যা, জালত চিকাৰী

কলিয়াবৰত পহু হত্যা কৰি জালত পৰিল এটা দুৰ্বৃত্ত, কিন্তু পলায়ন কৰে আন দুৰ্বৃত্তকেইটাই ৷ 15 - 20 জনীয়া এটা দলে বনৰীয়া গাহৰি চিকাৰৰ বাবে গৈছিল যদিও গাহৰি নাপাই পহুটোক আক্ৰমণ কৰে ৷ বনবিভাগে চিকিৎসালয়লৈ নিয়াৰ পথত মৃত্যু হয় পহুটোৰ ৷

কলিয়াবৰ, 21 এপ্ৰিল: শনিবাৰে বিয়লি কলিয়াবৰৰ বৰভগীয়া গাঁৱত এটা দুৰ্বৃত্তৰ দলে এটা প্ৰকাণ্ড সুগৰি পহু আক্ৰমণ কৰে ৷ আক্ৰমণত গুৰুতৰভাৱে আহত পহুটোক বনবিভাগে চিকিৎসাৰ বাবে কাজিৰঙাৰ বন্যপ্ৰাণী উদ্ধাৰ ও পুনৰ সংস্থাপন কেন্দ্ৰলৈ প্ৰেৰণ কৰে যদিও আধাবাটতে পহুটোৰ মৃত্যু হয় ৷ কলিয়াবৰ অঞ্চলৰে 15 - 20 জনীয়া এটা দলে বনৰীয়া গাহৰি চিকাৰৰ বাবে গৈছিল যদিও গাহৰি নাপাই পহুটোক আক্ৰমণ কৰে ৷

ইতিমধ্যে বৰভগীয়া গাঁৱৰ ৰাইজে ধনীৰাম ক্ৰ' নামৰ এটা দুৰ্বৃত্তক কৰায়ত্ত কৰে যদিও অন্য চিকাৰীকেইটা ঘটনাস্থলীৰ পৰা পলায়ন কৰে ৷ ধনীৰাম ক্ৰ'ৰ বিৰুদ্ধে বন্যপ্ৰাণী আইনৰ অধীনত এক গোচৰ ৰুজু কৰাৰ উপৰিও এই ঘটনাৰ লগত জড়িত চিকাৰীকেইটাৰ সন্ধানত অভিযান অব্যাহত ৰাখিছে আৰক্ষী আৰু বন বিভাগে ৷