গুৱাহাটী, 4 ফেব্ৰুৱাৰী : ৰাজ্য তথা গুৱাহাটীত হঠাৎ সলনি হৈ পৰিছে বতৰ (Harsh cold in Assam) ৷ বৃহস্পতিবাৰৰ পৰা ৰাজ্যত শীতৰ প্ৰকোপ বৃদ্ধি পোৱাৰ লগতে ঠাই বিশেষে বৰষুণো আৰম্ভ হৈছে ৷ বৰঝাৰস্থিত আঞ্চলিক বতৰ বিজ্ঞান কেন্দ্ৰ (Regional Meteorological Centre) ৰ তথ্য মতে, আগন্তুক 24 ঘণ্টাত ৰাজ্যৰ সকলো ঠাইতে পাতলীয়া বৰষুণ হ’ব ৷ ঠাই বিশেষে বিজুলী ঢেৰেকণিসহ বজ্ৰপাত পৰিব । আকৌ ৰাজ্যৰ ঠাই বিশেষে শিলাবৃষ্টি হ'ব ।
তথ্য মতে, আগন্তুক 24 ঘণ্টাত ৰাজ্যৰ কামৰূপ মহানগৰ, ধুবুৰী, গোলাঘাট, শোণিতপুৰ, নগাঁও, ডিমা হাছাও, কাছাৰ, গোৱালপাৰা, লখিমপুৰ, ডিব্ৰগড়, তিনিচুকীয়া জিলাত সৰ্বনিম্ন তামমাত্ৰা 12 ডিগ্ৰী চেন্টিগ্ৰেডৰ তলত থাকিব । শুকুৰবাৰে ৰাজ্যৰ ভিতৰত উত্তৰ লখিমপুৰত সৰ্বনিম্ন তামমাত্ৰা 9.6 ডিগ্ৰী চেন্টিগ্ৰেড । বৃহস্পতিবাৰে ৰাজ্যৰ ভিতৰত গুৱাহাটীত সৰ্বনিম্ন তামমাত্ৰা 6.8 ডিগ্ৰী চেন্টিগ্ৰেড আছিল বুলি এই তথ্যত উল্লেখ আছে ।
বৰঝাৰস্থিত আঞ্চলিক বতৰ বিজ্ঞান কেন্দ্ৰৰ তথ্য মতে শনিবাৰ আৰু দেওবাৰে ৰাজ্যৰ ঠাই বিশেষে বৰষুণ হোৱাৰ লগতে বেছিভাগ ঠাইৰ বতৰ ডাৱৰীয়া হৈ থকাৰ সম্ভাৱনা আছে । আকৌ সোমবাৰৰ দিনটোত বেছিভাগ ঠাইৰ বতৰ ডাৱৰীয়া হৈ থকাৰ সম্ভাৱনা আছে । মঙলবাৰৰ পৰা ৰাজ্যত বতৰ ফৰকাল হোৱাৰ সম্ভাৱনা আছে বুলি বৰঝাৰস্থিত আঞ্চলিক বতৰ বিজ্ঞান কেন্দ্ৰই সদৰি কৰিছে (Weather is likely to be clean in Assam from Tuesday) ।
লগতে পঢ়ক : PSO Withdrawal: মুখ্যমন্ত্রীৰ আহ্বানৰ পাছতে প্ৰত্যাহাৰ হ'ল ৭২৬ জন নিৰাপত্তাৰক্ষী
