গুৱাহাটী,1 আগষ্টঃ প্ৰ'ডিজী কমিউনিকেশ্বনৰ উদ্যোগত অহা 4 আগষ্টত পথ সুৰক্ষাৰ ওপৰত এক সজাগতা অভিযানৰ আয়োজন কৰা হৈছে । পথ সুৰক্ষা সজাগতা অভিযানৰ উদ্দেশ্যে দেওবাৰে পুৱা 9 বজাৰ পৰা আবেলি 1 বজালৈ গুৱাহাটীৰ ৰাজীৱ ভৱনৰ সমীপত আয়োজন কৰা হৈছে এ বি চি পইণ্টত বাৰ্ষিক চি এছ আৰ অভিযান 'এলাৰ্ট টুডে, এলাইভ টুমৰো'ৰ ৷
প্ৰতিদিনে হোৱা পথ দুৰ্ঘটনাত মৃতকৰ সংখ্যা হ্ৰাস কৰাৰ উদ্দেশ্যে প্ৰ'ডিজী কমিউনিকেশ্বনে এই সজাগতামূলক অভিযানৰ পদক্ষেপ হাতত লয়। এই অভিযান এ বি চি পইণ্টৰ পৰা আৰম্ভ হৈ গণেশগুৰি, জু ৰোড, চানমাৰী, শিলপুখুৰী, গুৱাহাটী ক্লাব, উলুবাৰী, ডিজিপি কাৰ্যালয় আৰু ভঙাগড় হৈ পুনৰ এ বি চি পইণ্টত সমাপ্ত হ'ব । অভিযানৰ প্ৰচাৰৰ বাবে চৰকাৰী বিষয়া, বিশিষ্ট ব্যক্তি, আমোলা, বিদ্যাৰ্থী আদি উপস্থিত থাকিব বুলি জানিব পৰা গৈছে ।
