গুৱাহাটী,২৭জুন: নেৰানেপেৰা বৰষুণৰ ফলত ৰাজ্যৰ বিভিন্ন স্থানত সংঘটিত হৈছে ভূমিস্খলন । উত্তৰ গুৱাহাটীৰ গৌৰীপুৰতো সংঘটিত হৈছে ভূমিস্খলনৰ ঘটনা । যাৰ বাবে বন্ধ হৈ পৰিছে ৰাষ্ট্ৰীয় ঘাইপথৰ সমগ্ৰ পথচোৱা । ফলত আমিনগাঁৱকে ধৰি জালুকবাৰীত সৃষ্টি হৈছে তীব্ৰ যান-জঁটৰ ৷ ঘণ্টা ঘণ্টা ধৰি আৱদ্ধ হৈ পৰিছে শ শ যান-বাহন ।
এতিয়া জালুকবাৰীতে ৰাখি দিয়া হৈছে পথটোৰে যাবলগীয়া সকলো ট্ৰাক, যাত্ৰীবাহী বাহন । ফলত ঘণ্টা-ঘণ্টা ধৰি তীব্ৰ যানজঁটৰ সৃষ্টি হৈছে জালুকবাৰীৰ সমগ্ৰ পথচোৱাত।
উল্লেখ্য যে, বৰ্তমানেওঁ সম্পূৰ্ণৰূপে মুকলি হোৱা নাই ভূমিস্খলনৰ বাবে ক্ষতিগ্ৰস্ত গৌৰিপুৰৰ সমগ্ৰ পথচোৱা । পথচোৱা মুকলিৰ পিছতহে আৱদ্ধ হৈ থকা ট্ৰাকসমূহ যাবলৈ দিয়া হ'ব বুলি জানিবলৈ দিলে মহানগৰ যান-বাহন নিয়ন্ত্ৰন শাখাৰ আৰক্ষীয়ে ৷
মহানগৰীৰ আমিনগাঁও, জালুকবাৰীত তীব্ৰ যান-জঁট
