গুৱাহাটী, 25 জুলাই: কৰ’ণা ভাইৰাছ, লক্ ডাউনৰ মাজতেই বৃহস্পতিবাৰে এগৰাকী বিশেষভাৱে সক্ষম কিশোৰক নিৰ্মম ভাৱে প্ৰহাৰ কৰা ঘটনাই জোকাৰি যায় সমগ্ৰ ৰাজ্য ৷ সংবাদ মাধ্যমৰ লগতে ছ’চিয়েল মিডিয়াত এই ঘটনাৰ ব্যাপক প্ৰতিক্ৰিয়াৰ সৃষ্টি হয় ৷ পিতৃৰ সৈতে ঔষধ আনিবলৈ গৈ আৰক্ষীৰ বৰ্বৰতাৰ সন্মূখীন হ’বলগীয়া হৈছিল দুৰ্ভগীয়া কিশোৰটি ।
এই ঘটনাৰ ব্যাপক প্ৰতিক্ৰিয়াৰ পাচতেই তাৎক্ষণিকভাৱে নিলম্বন কৰা হৈছে প্ৰহাৰ কৰা দেহৰক্ষী জনক । নিলম্বিত দেহৰক্ষীজন হৈছে ভৰলুমুখ যানবাহন শাখাৰ DCP মায়াংক ঝাৰ দেহৰক্ষী মুকুট বনিয়া । বৃহস্পতিবাৰে বিশেষভাৱে সক্ষম কিশোৰ এজনক নিৰ্মম ভাৱে প্ৰহাৰ কৰিছিল ।
ইফালে এই ঘটনাৰ শীঘ্ৰে তদন্ত কৰি দোষীক উচিত শাস্তি বিহাৰ আশ্বাস দিয়ে আৰক্ষী সঞ্চালক প্ৰধান ভাস্কৰজ্যোতি মহন্ত আৰু আইন শৃংখলাৰ অতিৰিক্ত আৰক্ষী সঞ্চালক প্ৰধান জিপি সিঙে ।
