গুৱাহাটী,১৯ মাৰ্চ: বিধানসভা নিৰ্বাচনৰ তৃতীয় পৰ্যায়ৰ নিৰ্বাচনৰ বাবে ৰাইজৰ দলে শুকুৰবাৰে প্ৰকাশ কৰিলে অন্তিমখন প্ৰাৰ্থী তালিকা । প্ৰকাশিত দুজনীয়া প্ৰাৰ্থী তালিকা অনুসৰি পূৱ বিলাসীপাৰাত মুছলিম উদ্দিন চৌধুৰীক আৰু পশ্চিম গোৱালপাৰাত জেহিৰুল ইছলামক প্ৰাৰ্থিত্ব দিয়া হৈছে ।
আনহাতে, ৰাইজৰ দলে বিজেপিক প্ৰতিহত কৰাৰ স্বাৰ্থত আন দলৰ জয়ৰ বাবে মৰিয়নীৰ পৰা অখিল গগৈৰ, বৰক্ষেত্রীৰ পৰা ৰাছেল হুছেইনৰ, বিজনীৰ পৰা জমেশ্বৰ আলী আৰু গোসাইগাঁৱৰ পৰা ওচমান গণিৰ প্ৰাৰ্থিত্ব প্ৰত্যাহাৰ কৰিছে বুলি দলটোৱে জনায় ।
উল্লেখ্য যে, বিজনী আৰু গোসাইগাঁও সমষ্টিত ৰাইজৰ দলে বি পি এফ দলৰ প্ৰতি মুকলি সমৰ্থন আগবঢ়াইছে ।
লগতে পঢ়ক:নিৰ্বাচনী বিধি সন্দৰ্ভত মৰিগাঁৱত নিৰ্বাচনী পৰ্যবেক্ষকৰ বৈঠক
