বাইহাটা, 2 জুন : সমগ্ৰ ৰাজ্যজুৰি আৰক্ষীৰ অব্যাহত আছে ড্ৰাগছৰ বিৰুদ্ধে অভিযান ৷ ৰাজ্যখনৰ প্ৰান্তে প্ৰান্তে ড্ৰাগছৰ ঘাটি উচ্ছেদত বিশেষ সফলতা লাভ কৰিছে অসম আৰক্ষীয়ে । বিভিন্ন প্ৰান্তৰপৰা ড্ৰাগছৰ লগতে আটক কৰা হৈছে সৰবৰাহকাৰীক ৷
বতৰ্মান অপৰাধীৰ ৰম্যভূমিলৈ পৰ্যবসিত হৈছে উত্তৰ কামৰূপ । গুৱাহাটীৰ পাৰ্শ্বৱৰ্তী এলেকা বৃহত্তৰ বাইহাটা চাৰিআলিত এতিয়া ড্ৰাগছৰ ৰমৰমীয়া বেহা চলিছে বুলি জানিব পৰা গৈছে ৷ কিন্তু ইয়াৰ বিপৰীতে অদ্যপি ৰাজ্যৰ বহুতো অঞ্চলত নিৰ্বিবাদে চলি আছে ড্ৰাগছৰ ৰমৰমীয়া বেহা ।
বাইহাটা চাৰিআলি আৰক্ষী থানাৰ অন্তৰ্গত মুক্তাপুৰত আৰক্ষীৰ বৃহৎ সফলতা । আৰক্ষীয়ে মঙলবাৰে নিশা ড্ৰাগছসহ কৰায়ত্ত কৰে মুক্তাপুৰ জটিয়াভাঙ্গাৰাৰ মুজিবৰ আলী নামৰ এজন ব্যক্তিক । ধৃত ব্যক্তিজনে দীৰ্ঘদিন ধৰি বৃহত্তৰ অঞ্চলটিত চলাই ৰাখিছিল ড্ৰাগছৰ ৰমৰমীয়া ব্যৱসায় ।
মুক্তাপুৰৰ লাকী ম'বাইল ফোন মেৰামতি কৰা এখন ব্যৱসায়িক প্ৰতিষ্ঠানৰ পৰা চলাই ৰাখিছিল ড্ৰাগছৰ বেহা । কমলপুৰ ৰাজহ চক্ৰৰ চক্ৰ বিষয়া আৰু বাইহাটা চাৰিআলিৰ আৰক্ষী থানাৰ ভাৰপ্ৰাপ্ত বিষয়াৰ নেতৃত্বত চলা এই অভিযানত উদ্বাৰ কৰে বৃহৎ পৰিমাণৰ ড্ৰাগছ ৷
লগতে পঢ়ক : বনিয়াৰ হাতলৈ যাব অসমৰ দুয়োটা কাগজকল : বিক্ৰীৰ বিজ্ঞাপন প্ৰকাশ
