গুৱাহাটী, ১২ ডিচেম্বৰ : কা বিৰোধী আন্দোলন(Anti CAA movement in Assam)ৰ ৫ ছহিদক সুঁৱৰি দেওবাৰে তেওঁলোকক শ্ৰদ্ধাঞ্জলি জনায় শিৱসাগৰৰ বিধায়ক তথা ৰাইজৰ দলৰ সভাপতি অখিল গগৈ(Sivasagar MLA Akhil Gogoi)য়ে । ছহিদ চেম ষ্টেফৰ্ডৰ হাতীগাঁওস্থিত বাসগৃহত উপস্থিত হৈ ছহিদকেইগৰাকীক শ্ৰদ্ধাঞ্জলী জনায় অখিল গগৈয়ে । গগৈয়ে ছহিদকেইগৰাকীক শ্ৰদ্ধাঞ্জলী জনোৱাৰ পাছত 'কা' বিৰুদ্ধে সৰৱ হৈ পৰে ।
বিধায়ক তথা ৰাইজৰ দলৰ সভাপতিগৰাকীয়ে পুনৰ সকলো জাতীয় সংগঠনক একত্ৰিত হৈ ৰাজপথলৈ ওলাই অহাৰ বাবে আহ্বান জনায় । তেওঁ সংবাদমাধ্যমৰ আগত কয় যে, কা আন্দোলনত ৫ গৰাকী নিৰীহ লোকক গুলিয়াই হত্যা কৰিলে চৰকাৰে । আজিলৈ ক্ষতিপূৰণ নিদিলে । এই কথাটোৱে প্ৰমাণ কৰিছে যে, বিজেপি চৰকাৰখন অসমীয়া জাতিৰ শত্ৰু অসমীয়া জাতিৰ বিৰোধী ।
তেওঁলোকে লগতে কয় যে, চৰকাৰে কা আন্দোলনত ছহিদ(Anti CAA Movement Martyr) হোৱা ৫ গৰাকী ছহিদক ছহিদ হিচাপে স্বীকৃতি আৰু ক্ষতিপূৰণ নিদিয়ালৈকে ক্ষান্ত নহও । কা নামানো 'কা' গৃহত হ'লে ১কোটি ৭০ লাখ হিন্দু বাংলাদেশী ভাৰতলৈ আহিব । যাৰ বোজা ল'ব লাগিব অসম আৰু ত্ৰিপুৰাই । ‘কা' গৃহীত হ'লে ভাৰতত থকা ২০ লাখ হিন্দু বাংলাদেশী নাগৰিকত্ব লাভ কৰিব বুলি মন্তব্য কৰে । তেওঁ লগতে কয় যে, কা বিৰোধী আন্দোলন শক্তিশালী কৰিবলৈ সকলোকে ঐক্যবদ্ধ হৈ সংগ্ৰাম আগবঢ়াই নিবলৈ আহ্বান জনায় ।
লগতে পঢ়ক : Anti CAA movement: কা' প্ৰত্যাহাৰৰ দাবীত উত্তৰ-পূৱে পালন কৰিলে ক'লা দিৱস
