নামৰূপ, 31 জুলাই: নামৰূপত ৰেপিড এণ্টিজেন্ট পৰীক্ষা শিবিৰ ৷ সত্তৰগৰাকীৰ স্বাৱ পৰীক্ষাৰ ফলাফলত 7 জন লোকৰ দেহত কৰ’ণা ভাইৰাছৰ অৱস্থিতি ৷ বৃহস্পতিবাৰে পুৱা 10 বজাৰ পৰা বিভিএফচি বিহু পেণ্ডেলত ক’ভিড-19 ৰ নমুনা পৰীক্ষাৰ এক শিবিৰ অনুষ্ঠিত কৰা হয় । উক্ত শিবিৰত কাহ ,পানী লগা জ্বৰত ভুগি থকা ৰোগী সকলৰ লগতে তেনে কোনো লক্ষণ নথকা মুঠ সত্তৰ জনৰ স্বাৱ পৰীক্ষা কৰা হয় ।
নামৰূপৰ নগমাটি, কছাৰী পথাৰ, মিলনপুৰ, পানী দৰিয়া নগা গাঁও, আদিৰ লগতে সাৰ উদ্যোগৰ আৱাসিক এলেকাৰ উক্ত লোক সকল স্বতঃস্ফূৰ্ত ভাবেই নমুনা পৰীক্ষাৰ বাবে আগ বাঢ়ি আহে । এই সকলৰ ভিতৰত সাত গৰাকীৰ দেহত ক’ভিড-19 ৰ বীজাণু ধৰা পৰে । ইয়াৰে এগৰাকী খেৰেমীয়াৰ, পানীদৰিয়া নগা গাঁৱৰ এজন, মিলন পুৰৰ এজন,আৰু চাৰি গৰাকী সাৰ উদ্যোগৰ আৱাসিক এলেকাৰ বাসিন্দা ৷
সাৰ উদ্যোগৰ কৰ্মচাৰী এম কে চাহুৰ স্বাস্থ্য অধিক অৱনতি ঘটাত তেওঁক ডিব্ৰুগড় অসম চিকিৎসা মহাবিদ্যালয় হাস্পতাললৈ প্ৰেৰণ কৰা হয় । আন ছয়গৰাকীক মৰাণ আৰু দুলিয়াজান ক’ভিড কেয়াৰ চেণ্টাৰলৈ প্ৰেৰণ কৰা হৈছে । বৃহস্পতিবাৰে এই শিবিৰত নাহৰকটীয়া ৰাজহ চক্ৰ বিষয়া বিক্ৰম ছেত্ৰীও উপস্থিত আছিল ।
লগতে চাওক-গণ সংক্ৰমণৰ দিশে ধুবুৰী জিলা
