চিৰাং,গুৱাহাটী,১৬ ডিচেম্বৰ : প্ৰমোদ বড়ো নেতৃত্বাধীন নৱগঠিত বি টি আৰ পৰিষদলৈ সাংবিধানিক বিধি অনুসৰি ৰাজ্যপালে আজি মনোনীত কৰে বিভিন্ন জাতি-জনগোষ্ঠীৰ ছয় গৰাকীকৈ সদস্যক । এই ছগৰাকী সদস্য হ'ল ক্ৰমে মাধৱ চন্দ্ৰ চেত্ৰী (গোৰ্খা),চম্পাৱতী ডেকা(শৰণীয়া কছাৰী),উইলচন হাছদা(চাওতাল),প্ৰদীপ কুমাৰ বায়ন (কেওট),হেমন্ত কুমাৰ ৰাভা(ৰাভা)আৰু অৰ্পণা মেধী (সাধাৰণ) ।
ইফালে চিৰাঙৰ বিজনীত আনন্দৰ লহৰ। সদ্য গঠিত বিটিআৰ পৰিষদত অসম চৰকাৰ তথা ৰাজ্যপালে মনোনীত কৰা ৬ জনৰ মাজত স্থান পালে বিজনীৰ এল এন বি ৰোডৰ বাসিন্দা কেওট জনগোষ্ঠীৰ প্ৰতিনিধি হিচাপে প্ৰদীপ কুমাৰ বায়নে । বিজনীত ফটকা ফুটাই আনন্দ উল্লাসত মতলীয়া বিজনী বাসী ।
৬২ বছৰীয়া প্ৰদীপ কুমাৰ বায়ন বৰ্তমান চিৰাং জিলা সত্ৰ মহাসভাৰ সভাপতি, বিজনী সত্ৰ পৰিচালনা সমিতিৰ সভাপতি,বিজনী শাখা সাহিত্য সভাৰ সভাপতি, অসম-বংগ ছাত্ৰ সমাজৰ যুটীয়া সম্পাদক, মধুপুৰ সত্ৰ পৰিচালনা সমিতিৰ কাৰ্যকৰী সদস্য আদি কৰি কেবাটাও অৰাজনৈতিক সংগঠনৰ সৈতে জড়িত ।
লগতে চাওকঃ25 দিনীয়া অনুসন্ধানৰ অন্তত আৰক্ষীৰ জালত দহটা বেংক ডকাইত
