নেচনেল ডেস্ক, ৯ অক্টোবৰ : শীৰ্ষ নক্সালবাদী আলুৰি ঊষা ৰাণী ওৰফে বিজয়ক্কা ওৰফে পোচাক্কা ওৰফে ভানু দিদীয়ে শনিবাৰে তেলেংগানা আৰক্ষীৰ ওচৰত আত্মসমৰ্পণ কৰে (Top Naxalite Aluri Usha Rani surrendered) । গুণ্টুৰ জিলাৰ তেনালীৰ বাসিন্দা ৰাণী (৫৩) দণ্ডকাৰণ্য বিশেষ আঞ্চলিক সমিতিৰ উত্তৰ উপ আঞ্চলিক ব্যুৰোৰ বিভাগীয় সমিতিৰ সদস্য আছিল । তেলেংগানাৰ আৰক্ষী সঞ্চালক প্ৰধানৰ এক প্ৰেছ বিবৃতিত এই কথা কোৱা হৈছে (Director General of Police Telangana) ।
ৰাণীয়ে নিজৰ উদ্দেশ্য অসফল হোৱা আৰু স্বাস্থ্য সমস্যাৰ কথা উল্লেখ কৰি আত্মসমৰ্পণ কৰে । তেওঁ সমাজত পৰিৱৰ্তন আনিবলৈ যথেষ্ট আশাৰে সংগঠনটোত যোগদান কৰিছিল আৰু তিনি দশকৰো অধিক সময় ধৰি সশস্ত্ৰ সংগ্ৰামত সক্ৰিয়ভাৱে অংশগ্ৰহণ কৰিছিল । অৱশ্যে প্ৰেছ বিবৃতিটো অনুসৰি, তেওঁ সুৰংগৰ শেষত পোহৰ বিচাৰি পোৱাত ব্যৰ্থ হৈ আত্মসমৰ্পণ কৰে ।
"যিহেতু তেওঁৰ আশা-আকাংক্ষা পূৰণ হোৱা নাছিল আৰু দীঘলীয়া সশস্ত্ৰ সংগ্ৰামৰ জৰিয়তে তেওঁৰ সপোনবোৰ বাস্তৱায়িত কৰাৰ কোনো আশা নাছিল, সেয়ে তেওঁ স্বাস্থ্যজনিত সমস্যাৰ কথা উল্লেখ কৰি আত্মসমৰ্পণ কৰাৰ সিদ্ধান্ত লয় ।" বিবৃতিটোত কোৱা হৈছে । "যিহেতু তেওঁৰ স্বাস্থ্যই তেওঁক চিপিআই (মাওবাদী) সংগঠনটোত (CPI Maoist organization) দীৰ্ঘদিন থাকিবলৈ সমৰ্থন কৰা নাই, সেয়ে 2019 চনৰ এপ্ৰিলত তেওঁ এছজেডচিএম, ইষ্ট বাষ্টাৰ ভাৰপ্ৰাপ্ত বিষয়া ৰামকৃষ্ণ ওৰফে কমলেশক তেওঁৰ চিকিৎসা প্ৰদান কৰিবলৈ অনুৰোধ কৰিছিল আৰু লগতে স্বাস্থ্যজনিত সমস্যাৰ বাবে আত্মসমৰ্পণ কৰাৰ ইচ্ছা প্ৰকাশ কৰিছিল ।" বিবৃতিটোত লগতে কোৱা হৈছে ।
একেটা প্ৰস্তাৱ চিচিএমলৈও প্ৰেৰণ কৰা হৈছিল, য'ত তেওঁলোকে আঢ়ৈ বছৰৰ পিছত অৰ্থাৎ আগষ্ট 2022-ত তেওঁৰ আত্মসমৰ্পণত সন্মতি দিছিল । আনহাতে, অন্যান্য কাৰণবোৰৰ ভিতৰত তেওঁৰ পৰিয়ালৰ সদস্যসকলৰ সৈতে শান্তিপূৰ্ণ জীৱন যাপন কৰাৰ আকাংক্ষাও তেওঁৰ আত্মসমৰ্পণৰ এটা কাৰণ ।
আৰক্ষীয়ে জনোৱা অনুসৰি, ৰাণী তেলেংগানা (Maoist violents in Telangana and Chhattisgarh) আৰু ছত্তীশগড় দুয়োখন ৰাজ্যতে সংঘটিত কেইবাটাও হিংসাত্মক ঘটনাত জড়িত আছিল । তেওঁ দুয়োখন ৰাজ্যতে নক্সাল হিচাপে আত্মগোপন কৰি থকা সময়ছোৱাত মুঠ ১৪ টা অপৰাধত অংশগ্ৰহণ কৰাৰ কথা স্বীকাৰ কৰে । ইয়াৰ ভিতৰত আছে নিৰাপত্তা বাহিনীৰ ওপৰত পাঁচটা আক্ৰমণ, আৰক্ষীৰ সৈতে তিনিবাৰ গুলীয়াগুলী, ৰাজহুৱা আৰু ব্যক্তিগত অট্টালিকা বিস্ফোৰণৰ তিনিটা ঘটনা, এটা অপহৰণৰ গোচৰ আৰু দুটা আক্ৰমণৰ গোচৰ ।
অনুষ্ঠানটোত ডিজিপি মহেন্দ্ৰ ৰেড্ডীয়ে নক্সাল কেডাৰক মূলসুঁতিত যোগদান (Naxal cadre appeal to join mainstream) কৰিবলৈ আৰু গঠনমূলক অংশগ্ৰহণৰ জৰিয়তে ৰাষ্ট্ৰৰ উন্নতিত অংশগ্ৰহণ কৰিবলৈ আহ্বান জনায় । "আত্মসমৰ্পণ কৰিলে পুনৰ্সংস্থাপন প্ৰক্ৰিয়াৰ পৰা লাভান্বিত হ'ব । যাৰ ভিতৰত আছে আৰ্থিক সহায় আৰু অন্যান্য সমৰ্থন ব্যৱস্থাৰ সৈতে তাৎক্ষণিক সকাহ ।" বিবৃতিটোত কোৱা হৈছে ।
উল্লেখ্য, ৰাণীক ৰাজ্য চৰকাৰে সম্পূৰ্ণ পুনৰ্সংস্থাপন প্ৰদান কৰিব আৰু তেওঁৰ তাৎক্ষণিক ব্যয় পূৰণৰ বাবে তেওঁক নগদ ৫০,০০০ টকা প্ৰদান কৰা হ'ব বুলিও মহেন্দ্ৰ ৰেড্ডীয়ে লগতে কয় ।
লগতে পঢ়ক :জেইছ ই মহম্মদ সন্ত্ৰাসবাদীৰ পৰা 3 টা আইইডিসহ অন্য বোমা উদ্ধাৰ
