নেশ্যনেল ডেস্ক,১১ এপ্ৰিল: দেওবাৰে মধ্য কাশ্মীৰৰ বুদগাম জিলাৰ মাগাম অঞ্চলত সন্দেহযুক্ত সন্ত্ৰাসবাদীৰ গুলীচালনাত নিহত হয় এগৰাকী স্থানীয় লোক । নিহত লোকজন গোলাম মহম্মদ খানৰ পুত্ৰ নাছিৰ আহমেদ খান (৩৫) বুলি চিনাক্তকৰণ কৰা হয় । সন্ত্ৰাসবাদীৰ গুলীচালনাত গুৰুতৰভাৱে আহত খানক ততাতৈয়াকৈ সংকটজনক অৱস্থাত চিকিৎসালয়ত ভৰ্তি কৰোৱা হৈছিল যদিও অৱশেষত দেওবাৰে মৃত্যু হয় ব্যক্তিগৰাকীৰ ।
ইফালে, জম্মু-কাশ্মীৰৰ দুটা পৃথক স্থানত নিৰাপত্তা বাহিনী-সন্ত্ৰাসবাদীৰ মাজত অব্যাহত আছে সংঘৰ্ষ । সন্ত্ৰাসবাদীয়ে আত্মগোপন কৰি থকাৰ তথ্য লাভ কৰাৰ পিছতে নিৰাপত্তা বাহিনীয়ে শনিবাৰে তালাচী অভিযান চলায় ।
লগতে পঢ়ক: ক'ভিড সম্পৰ্কে অৰবিন্দ কেজৰিৱালৰ সংবাদমেল
