নিউজ ডেস্ক,15জানুৱাৰীঃ উৰিষ্যাৰ ৰোৰকিলাত এটা ষ্টিল ৰাসায়নিক ইউনিটত বিষাক্ত গেছ নিৰ্গত হৈ বৰ্তমান পৰ্যন্ত চাৰিজন ঠিকা ভিত্তিত কাম কৰা কৰ্মী মৃত্যু মুখত পৰিছে ৷ প্ৰাথমিক অনুসন্ধানৰ পৰা জানিব পৰা গৈছে যে, গেছ পাইপলাইনৰ ভিতৰত বিষাক্ত গেছ জমা হৈ থকাত তাৰ সংস্পৰ্শলৈ অহাৰ ফলতে ব্যক্তি কেইজনৰ মৃত্যু হৈছে ৷ চৰকাৰী এক বিবৃতি অনুসৰি মৃত্যু হোৱা কৰ্মচাৰী কেইজনৰ আত্মীয়ক 10 লাখ টকাৰ ক্ষতিপূৰণ প্ৰদান কৰাৰ লগতে প্ৰতিজন মৃতকৰ পৰিয়ালৰ এজনকৈ সদস্যক চাকৰিৰ আশ্বাস প্ৰদান কৰে ৷
উল্লেখযোগ্য যে, শ্ৰমিক সকলক মাস্ক আৰু কাৰ্বন মনোঅক্সাইড গেছ নিৰীক্ষণৰ মিটাৰ প্ৰদান কৰা হৈছিল যদিও তেওঁ লোকে ব্যৱহাৰ নকৰাৰ অভিযোগ উত্থাপন হৈছে ৷ ইপিনে সেই সময়ত কাম পৰিদৰ্শনৰ বাবে থকা ঠিকাদাৰ জনৰ বিৰুদ্ধে কঠোৰ ব্যৱস্থা গ্ৰহণ কৰাৰ লগতে চাকৰিৰ পৰা নিলম্বিত কৰি ৰাখিছে ৷ লগতে প্ৰতিবেদন খনত কোৱা হৈছে যে, মৃত্যু হোৱা প্ৰতিটো পৰিয়ালক 10 লাখ টকাকৈ এককালীন সাহাৰ্য্য প্ৰদান কৰা হৈছে ৷ তাৰোপৰি প্ৰতিটো পৰিয়ালে EPF, ESIৰ আদিৰ সম্পূৰ্ণ সুবিধা লাভ কৰিব বুলি জানিব পাৰ গৈছে ৷ সমগ্ৰ ঘটনাৰ ফলত 4 জন লোকৰ মৃত্যু হোৱাৰ লগতে 6 জনকৈ লোক অসুস্থ হৈ চিকিৎসাধীন হৈ আছে ৷
লগতে পঢ়কঃ কৃষি আইন বিৰোধিতাৰে আজি দেশজুৰি কংগ্ৰেছৰ ৰাজ ভৱন ঘেৰাও
