নিউজ ডেস্ক , ২ ফেব্ৰুৱাৰী : স্বাধীনতা আন্দোলনৰ অন্য়তম চাউৰী চাউৰাৰ ঘটনাই ১০০ বছৰত ভৰি দিলে । প্ৰধানমন্ত্ৰীৰ কাৰ্যালয়ে জনোৱা মতে ৪ ফেব্ৰুৱাৰীত ভিডিঅ' কনফাৰেঞ্চিঙৰ জৰিয়তে প্ৰধানমন্ত্ৰী নৰেন্দ্ৰ মোডীয়ে উত্তৰ প্ৰদেশৰ চাউৰী চাউৰাৰ শতবাৰ্ষিকী উদ্বোধন কৰিব । স্বাধীনতা আন্দোলনৰ এই বিশেষ ঘটনাৰ স্মৃতিত প্ৰধানমন্ত্ৰী গৰাকীয়ে এটা ডাক মোহৰো মুকলি কৰিব বুলিও এক বিবৃতি যোগে জনাই প্ৰধানমন্ত্ৰী কাৰ্যালয়ে । ৰাজ্য় চৰকাৰেও শতবাৰ্ষিকী উদযাপন কৰাৰ লগতে ৰাজ্য়খনৰ ৭৫ খন জিলাত বিভিন্ন কাৰ্যসূচীৰে এই শতবাৰ্ষিকী আৰম্ভ হ'ব আৰু ২০২২ চনৰ ৪ ফেব্ৰুৱাৰীত অন্ত পৰিব ।
উল্লেখ যে মহাত্মা গান্ধীয়ে আৰম্ভ কৰা অসহযোগ আন্দোলনৰ একাংশ স্বাধীনতা সংগ্ৰামীক ১৯২২ চনত আৰক্ষীয়ে গুলীচালনা কৰাৰ ফলত মৃত্যু হৈছিল । যাৰ বাবে প্ৰতিশোধ লবলৈ একাংশ প্ৰতিবাদকাৰীয়ে আক্ৰমণ কৰি চাউৰী চাউৰা আৰক্ষী থানাত অগ্নি সংযোগ কৰিছিল । এই ঘটনাত বহু লোকৰ মৃত্য়ু হৈছিল । ইফালে ইংৰাজে এই আন্দোলনৰ বহু লোকক মৃত্য়ু দণ্ড দিছিল আৰু একাংশই গোটেই জীৱন কাৰাবাসত থাকিব লগা হৈছিল । এই ঘটনাৰ পিছতে মহাত্মা গান্ধীয়ে এই আন্দোলন বন্ধ কৰিছিল ।
লগতে পঢ়ক :অৰুণাচলৰ ৰেহ উৎসৱত গোৰ্খা ৰেজিমেন্টৰ প্ৰখ্যাত খুকৰী নৃত্য
